«الماتىدا ەپيدەميولوگيالىق جاعداي كۇردەلەنە ءتۇستى. سوڭعى تاۋلىكتە مەگاپوليستە 437 ادامنان كوروناۆيرۋس انىقتالدى. وسىعان بايلانىستى ءسان سالوندارىنا تەك شاش قيۋعا عانا رۇقسات. باسقا قىزمەتتەرگە تىيىم سالىنادى. ساۋدا ورتالىقتارى مەن ساۋدا ۇيلەرى 20 -ناۋرىزدان 28 -ناۋرىزعا دەيىن جابىق بولادى. قوعامدىق تاماقتانۋ ورىندارىنا تاماقتى تاپسىرىسپەن جەتكىزىپ بەرۋگە رۇقسات ەتىلەدى»، - دەيدى ول.
سپورتتىق كەشەندەر دە جۇمىس ىستەمەيدى. «مەدەۋ» مەن «شىمبۇلاق» شاڭعى كۋرورتىندا جاپپاي سىرعاناۋعا تىيىم سالىنادى. كەلۋشىلەر سانى % 50 (1000 ادامعا دەيىن) ازايتىلۋى كەرەك. «شىمبۇلاق» تاۋ كۋرورتىنداعى قوعامدىق تاماقتانۋ وبەكتىلەرىنە ساعات 7:00-دەن 21:00-گە دەيىن، تەك جازعى الاڭداردىڭ جۇمىس ىستەۋىنە رۇقسات ەتىلەدى»، - دەيدى جانداربەك بەكشين.
حالىققا قىزمەت كورسەتۋ ورتالىقتارى مەن «قازپوچتا» ا ق بولىمشەلەرى الدىن الا جازىلۋ بويىنشا تاڭعى ساعات 9:00-دەن 18:00-گە دەيىن جۇمىس ىستەيدى.
«كوڭىل كوتەرۋ مەكەمەلەرىنىڭ (كاراوكە، بيليارد، كومپيۋتەرلىك جانە تۇنگى كلۋبتار مەن ويىن كلۋبتارى، بوۋلينگ ورتالىقتارى، بالالار سپورتى مەن ويىن الاڭدارى، اتتراكسيوندار، باتۋتتار جانە بۋكمەكەرلىك كەڭسەلەر مەن لوتورەيالىق كلۋبتاردىڭ) قىزمەتىنە تىيىم سالىنادى»، - دەپ اتاپ ءوتتى سپيكەر.
ايتا كەتەيىك، كارانتين تالاپتارىنىڭ كۇشەيتىلۋىنە بايلانىستى الماتىدا اۆتوبۋستاردىڭ قوزعالىس رەجيمى وزگەردى. سونداي- اق جۇعۋ قاۋپى 70 پايىزعا جوعارى كوروناۆيرۋستىڭ جاڭا شتامدارى تەكسەرىلىپ جاتقانى تۋرالى ءمالىم ەتىلدى. بانكتەردىڭ قىزمەتىنە دە وزگەرىس ەنگىزىلدى. ج. بەكشين قالا تولىق لوكداۋنعا قانداي جاعدايدا كوشەتىنىن ءمالىم ەتتى.
اۆتور: الما مۇقانوۆا