بۇل جايىندا ءماجىلىس دەپۋتاتتارىنىڭ ساۋالىنا ءبىلىم جانە عىلىم ءمينيسترى اسحات ايماعامبەتوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.
«ءال-فارابي اتىنداعى قازاق ۇلتتىق ۋنيۆەرسيتەتىنىڭ (بۇدان ءارى - قاز ۇ ۋ) جەر تەلىمىن تۇزەتۋگە قاتىستى پوست جاريالاعاننان كەيىن، تەز ارادا مينيسترلىكتىڭ جۇمىس توبى ق ر سىبايلاس جەمقورلىققا قارسى ءىس- قيمىل اگەنتتىگىمەن بىرلەسىپ، باياندالعان بارلىق فاكتىلەردى تەكسەرۋدى باستادى. جۇرگىزىلگەن تەكسەرۋ قورىتىندىسى بويىنشا قاز ۇ ۋ جەر ۋچاسكەسىنىڭ 0,779 گەكتارعا ازايۋ فاكتىسى راستالدى»، - دەدى ول.
اسحات ايماعامبەتوۆتىڭ اتاپ وتۋىنشە، وسىعان بايلانىستى جەر ۋچاسكەلەرىن باسقارۋ بولىگىندە قاز ۇ ۋ قىزمەتىن تولىققاندى زەرتتەۋ ماقساتىندا مينيسترلىك كەشەندى تەكسەرۋ جۇرگىزۋدى كوزدەگەن.
«الايدا، وسى جىلعى ناۋرىزدا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى قاز ۇ ۋ-عا اۋديت باستاۋىنا بايلانىستى قولدانىستاعى زاڭناماعا سايكەس تەكسەرىس جۇرگىزۋ مۇمكىن ەمەس. سونىمەن قاتار 2021 -جىلعى 10 -اقپاننان باستاپ قاز ۇ ۋ- عا جاڭا باسشىلىق تاعايىنداعانىن اتاپ وتكەن ءجون»، - دەدى مينيستر.
اۆتور: مارلان جيەمباي