جاۋىن، جەل، تۇمان، كوكتايعاق - جۇما كۇنگى اۋا رايى

19 - ناۋرىزدا قارا تەڭىز ايماعىنان كەلەتىن تسيكلون رەسپۋبليكانىڭ بارلىق ايماقتارىنا اسەر ەتەدى، ونىمەن بىرگە جاۋىن-شاشىن، كەي جەرلەردە نوسەر جاڭبىر جانە قالىڭ قار جاۋادى، جەل كۇشەيىپ، نايزاعاي وينايدى، سولتۇستىك-باتىستا جاياۋ بۇرقاسىن سوعۋى مۇمكىن.

تەك ەلىمىزدىڭ وڭتۇستىك-شىعىسىندا جانە سولتۇستىگىندە جاۋىن-شاشىنسىز اۋا رايى كۇتىلەدى.

رەسپۋبليكانىڭ كەي جەرلەرىندە تۇمان ءتۇسىپ، كوكتايعاق بولۋى ىقتيمال.

الماتى، قىزىلوردا وبلىستارىنىڭ كەي جەرلەرىندە تۇمان ءتۇسىپ، جەل كۇشەيەدى، جىلدامدىعى 15-20 م/س، ەكپىنى 23-28 م/س جەتەدى.

جامبىل، قاراعاندى، كۇندىز شىعىس قازاقستان، تۇركىستان وبلىستارىنىڭ كەي جەرلەرىندە جەل 15-20، ەكپىنى 23-28 م/س دەيىن جەتەدى، كۇندىز قاراعاندى وبلىسىنىڭ كەي جەرلەرىندە كوكتايعاق بولادى، جامبىل وبلىسىنىڭ كەي جەرلەرىندە تۇمان تۇسەدى.

اقتوبە وبلىسىنىڭ كەي جەرلەرىندە جاياۋ بۇرقاسىن سوعادى، كوكتايعاق بولادى، جەلدىڭ كۇشى 15-20، تۇندە ەكپىنى 23 م/س جەتەدى.

سولتۇستىك قازاقستان، اتىراۋ، باتىس قازاقستان وبلىستارىنىڭ كەي جەرلەرىندە جەلدىڭ كۇشى 15-20 م/س جەتىپ، تۇمان تۇسەدى، باتىس قازاقستان وبلىسىنىڭ كەي جەرلەرىندە كوكتايعاق بولۋى مۇمكىن.

ماڭعىستاۋ، اقمولا، كۇندىز پاۆلودار وبلىستارىنىڭ كەي جەرلەرىندە جەل 15-20 م/س كۇشەيەدى.