ىستانبۇلدا اباي اتىنداعى داڭعىلى اشىلىپ، ەسكەرتكىش قويىلدى
18- ناۋرىزدا قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردىنىڭ تۇركيا رەسپۋبليكاسىنا رەسمي ساپارى اياسىندا ىستانبۇل قالاسىندا بولدى.
ىستانبۇلعا ساپار كەزىندە ق ر س ءى م باسشىسى م. تىلەۋبەردى اباي قۇنانباي ۇلىنىڭ 2020-جىلىنداعى 175 جىلدىق مەرەيتويىنا جوسپارلانعان قازاقستاننىڭ تۇركياداعى ەلشىلىگى، ق ر ىستانبۇل باس كونسۋلدىعى جانە ىستانبۇل زەيتىنبۋرنۋ اۋدانىنىڭ مەرياسىمەن بىرلەسىپ ۇيىمداستىرعان قازاق حالقىنىڭ ۇلى تۇلعاسى، تۇركى الەمىنىڭ ۇلى اقىنى، كومپوزيتور، قازاق ادەبيەتىنىڭ نەگىزىن قالاۋشى اباي قۇنانباي ۇلى اتىنداعى الاڭ مەن ەسكەرتكىشتىڭ سالتاناتتى اشىلۋىنا قاتىستى.
سالتاناتتى اشىلۋ شاراسىنا قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى، ىستانبۇل قالاسىنىڭ مەرى ەكرەم يماموگلۋ، ق ر تۇركياداعى ەلشىسى ابزال ساپاربەك ۇلى، زەيتىنبۋرنۋ اۋدانىنىڭ مەرى ومەر ارىسوي، ق ر ىستامبۇل باس كونسۋلى ءالىم بايەل جانە قازاق دياسپوراسىنىڭ وكىلدەرى قاتىستى.
سونىمەن قاتار اباي اتىنداعى الاڭ مەن ەسكەرتكىشتىڭ اشىلۋى ىستانبۇل قالاسى مەرياسىنىڭ ءماجىلىسىنىڭ شەشىمىمەن قابىلداندى. اقىن ەسىمىن الاڭعا بەرۋ تۋرالى شەشىم قازاقستاننىڭ تۇركياداعى ەلشىلىگى مەن ىستانبۇلداعى باس كونسۋلدىعى جۇرگىزگەن جۇمىستىڭ ناتيجەسىندە جۇزەگە استى.
الاڭداعى اباي ءمۇسىنىنىڭ اۆتورى ق ر كوركەمونەر اكادەمياسىنىڭ تولىق مۇشەسى، قازاقستاندىق ءمۇسىنشى مۇرات مانسۇروۆ. ءىس-شارا ىستانبۇلدا تۇراتىن قازاق دياسپورا وكىلدەرى تاراپىنان ۇيىمداستىرىلعان كونسەرتتىك باعدارلامامەن جالعاسىن تاپتى.
ءىس-شارادان كەيىن ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى م. ب. تىلەۋبەردى، 2003-جىلى قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ قاتىسۋمەن اشىلعان زەيتىنبۋرنۋ اۋدانىندا ورنالاسقان اباي مەكتەبىنە باردى.
جۋىردا مەكتەپتەگى اباي ەسكەرتكىشىنىڭ جوندەۋ-جاڭارتۋ جۇمىستارى اتقارىلىپ، ەسكەرتكىش اينالاسىنا گۇلزار سالىنىپ، جول جاڭارتىلىپ، مەكتەپ عيماراتىنىڭ ىشىندە «اباي بۇرىشى» جاساقتالدى.
م. تىلەۋبەردى وقۋشىلارمەن كەزدەسىپ، ءبىلىم ورداسىنا ءوزىنىڭ سىيىن تارتتى.