ەلدەگى تۋروپەراتورلار قاۋىمداستىعى وسىنداي شەشىم شىعاردى. قازىر جاڭا قاۋلىنى كۇتىپ وتىر.
قاتاڭ ءتارتىپ شەتەل ازاماتتارمەن قاتار وزگە مەملەكەتكە ساپارلاپ كەتكەن وتانداستارىمىزعا دا ورتاق. ياعني، ەلگە ورالۋ ءۇشىن مىندەتتى تۇردە كوروناۆيرۋسقا تەكسەرىلۋ كەرەك. قازىر اۆياكومپانيالار جاڭا ەرەجەدەن حاباردار ەتىلىپ جاتىر.
«بىرىنشىدەن، ەلدە كوروناۆيرۋس ينفەكتسياسىن جۇقتىرعاندار سانى ءوستى. ىندەت كۇرت ءورشىدى. ەكى قالادا لوكداۋن جاريالاندى. ەكىنشىدەن، مەملەكەت شەتەلدەن ۇشىپ كەلگەن ازاماتتارعا پ ت ر تەست جاساۋ ءۇشىن كوپ قاراجات جۇمساپ جاتىر. سونىمەن قاتار، جولاۋشىلار تەست ناتيجيەسى شىققانشا قوناق ۇيگە ورنالاستىرىلادى. بۇل قوسىمشا قاۋىپ تۋدىرادى. ولاردىڭ بىرەۋى ينفەكتسيا تاراتۋشى بولۋى مۇمكىن»، - دەيدى قازاقستان تۋروپەراتورلار قاۋىمداستىعىنىڭ پرەزيدەنتى يننا رەي.
ونىڭ ايتۋىنشا، كوپتەگەن تۋريستەر دەمالىستان پ ت ر تەست تاپسىرماي كەلەدى. ءتىپتى، كەيبىرەۋىنەن وڭ ناتيجە شىعىپ جاتىر.
«بۇل ۇلكەن ماسەلە. تۋريستەر پ ت ر تەستى نەگە شەتەلدە وتكىزگىسى كەلمەيدى؟ سەبەبى وڭ ناتيجيە كورسەتسە، شەت ەلدە قالىپ قويامىز دەپ قورقادى. بۇل كوپتەگەن جاڭا ماسەلەلەر تۋعىزادى. سوندىقتان ءبىز تۋريستەردى ىندەت جۇقتىرۋدان بارىنشا قورعالعان كۋرورتتارعا جىبەرۋگە تىرىسامىز. سونداي-اق، ساقتاندىرۋ بار. ساقتاندىرۋ مىندەتتى تۇردە تۋر پاكەتىنە كىرەدى»، - دەپ قوستى سپيكەر.
سونىمەن قاتار، ول ق ر ۇكىمەتى تۋركومپانيالاردان ادامدار ەلگە ورالماس بۇرىن پ ت ر تەستىلەۋدەن ءوتۋىن قامتاماسىز ەتۋدى سۇراعانىن باسا ايتتى.
«ءبىراق، ءبىز بارلىق جولاۋشىلاردى قامتاماسىز ەتە المايتىنىمىز انىق. قازىر جاڭا قاۋلىنى كۇتىپ وتىرمىز. وندا تۋريستەر ۇشاققا وتىرار الدىندا پتر انىقتاماسىن مىندەتتى تۇردە كورسەتۋى كەرەكتىگى ايتىلادى. ەگەر جولاۋشىلارعا قازاقستانعا كەلگەننەن كەيىن تەست تاپسىرۋعا رۇقسات بەرىلسە، وندا ول اقىلى بولادى»، - دەپ قوستى يننا رەي.