دەپۋتاتتىڭ ايتۋىنشا، مەملەكەتتىك كەپىلدىكپەن حالىقارالىق قارجى ۇيىمدارىنان قاراجاتىن تارتۋ ارقىلى بىرنەشە قالادا كارىزدىك تازارتۋ يماراتتارىن سالۋ جانە رەكونسترۋكسيالاۋ جوباسى جوسپارلانعان. الايدا، تەحنيكالىق- ەكونوميكالىق نەگىزدەمەسى ازىرلەنگەن ءبىرىنشى رەتتىك قالالار تىزىمىنە 400 مىڭعا جۋىق تۇرعىنى بار جامبىل وبلىسىنىڭ ورتالىعى تاراز قالاسى كىرمەي قالعان. قالالىق كارىز جەلىسىنە سونىمەن بىرگە سارقىندى سۋلاردى اعىزاتىن تۇرعىن ءۇي قۇرىلىستارى مەن ونەركاسىپ كاسىپورىندارىنىڭ قالدىقتارى قوسىلادى.
ال بۇل ءسۇزۋ الاڭدارىنا شامادان تىس قىسىم تۋعىزىپ، گيدراۆليكالىق اۋىرتپالىققا اكەلىپ سوعادى. وسىنىڭ سالدارىنان جەر استى سۋلارى لاستانىپ بارادى. بۇل جامبىل اۋدانىنىڭ جاقىن ماڭداعى بىرلەسۋ- ەڭبەك، قوستوبە، ورنەك، ەرنازار، تاستوبە اتتى بەس ەلدى مەكەنىنىڭ تۇرعىندارىن اۋىز سۋدان ايىرىپ، اۋىل شارۋاشىلىعى القاپتارىن باتپاققا اينالدىردى، ال ەلدى مەكەندەردى سۋ باساتىن بولدى.
«وسىنىڭ ءبارىن ەسكەرە كەلىپ، اتالعان ماسەلەنىڭ جامبىل وبلىسى تۇرعىندارىنىڭ تۇرمىس- تىرشىلىگىنە جانە ەكولوگيالىق تۇرعىدان ماڭىزدىلىعىن ەسكەرە وتىرىپ، ونى تەزدەتىپ شەشۋ ءۇشىن تاراز قالاسىن كارىز- تازارتۋ عيماراتىن سالۋ جوسپارىنىڭ 1-كەزەڭىنە قوسۋعا قولداۋ كورسەتۋىڭىزدى سۇرايمىز»، - دەدى بەكبولات ورىنبەكوۆ.