تۇركىستاندا ۇزدىك ستۋدەنتتەرگە بەيسەن قۇرانبەك اتىنداعى ستيپەنديا تابىستالدى
ستيپەنديانى قازاقستان جۋرناليستەر وداعىنىڭ تۇركىستان وبلىستىق فيليالىنىڭ ءتوراعاسى، وبلىستىق ءماسليحات دەپۋتاتى عالىمجان ەلشىباي تاپسىردى. شاراعا قوجا احمەت ياساۋي اتىنداعى ح ق ت ۋ - ءنىڭ رەكتورى جانار تەمىربەكوۆا، ەلىمىزگە تانىمال تەلەجۋرناليست ابدەز راحمان ۇلى جانە ءبىر توپ وبلىستىق ءماسليحات دەپۋتتاتارى مەن ب ا ق وكىلدەرى قاتىستى. ءىس- شارادا ءسوز العان وقۋ ورنىنىڭ جاڭا باسشىسى جانار امانگەلدى قىزى وزات ستۋدەنتتەرگە قولداۋ ءبىلدىرىپ، شابىت سىيلاعان وداق ءتوراعاسىنا شىنايى العىسىن ءبىلدىردى. سونداي- اق ول الداعى ۋاقىتتا وبلىستىق جۋرناليستەر وداعىمەن بىرگە ىنتىماقتاستىقتا جۇمىس ىستەۋگە مۇددەلى ەكەنىن جەتكىزدى. ءوز كەزەگىندە ءسوز العان قازاقستان جۋرناليستەر وداعىنىڭ تۇركىستان وبلىستىق فيليالىنىڭ ءتوراعاسى، وبلىستىق ءماسليحات دەپۋتاتى عالىمجان ەلشىباي مارقۇم بەيسەن قۇرانبەك تۋرالى كەڭىنەن ءسوز قوزعاپ، ونىڭ قازاق جۋرناليستيكاسىنا قوسقان ۇلەسىن تىلگە تيەك ەتتى.
«تالانتتى جۋرناليست بەيسەن قۇرانبەكپەن ءبىر گرۋپپادا ءبىلىم الدىق. دوس بولدىق. بەيسەن ەڭبەك جولىن سپورت گازەتىنەن باستاپ، بارلىق ساتىلاردان وتكەن وتە تاجىريبەلى ناعىز جۋرناليست ەدى. ونىڭ قازاق جۋرناليستيكاسىنا قوسقان ۇلەسى وراسان. ءبىر عانا «ايتۋعا وڭاي»، «قاراكەت» سىندى توك- شوۋلارى ەلدىڭ ىستىق ىقىلاسىنا ءبولىندى. الايدا بەيسەننىڭ عۇمىرى تىم قىسقا بولدى. اللانىڭ بۇيرىعى شىعار. ەندەشە بۇگىنگى بەيسەن اتىنداعى ستەپەنديانى يەلەنىپ وتىرعان ءىنى- قارىنداستارىمىزعا دوسىمىزدىڭ عۇمىرىن ەمەس، تاعدىرىن ەمەس، تالانتىن، ەڭبەكسۇيگىشتىگىن، ادالدىعىن بەرسىن دەپ تىلەيمىز»، - دەدى عالىمجان قامىتبەك ۇلى.
شارا بارىسىندا بەيسەننىڭ ارىپتەستەرى مەن دوستارى ەستەلىكتەر ايتىپ، ستۋدەنتتەرگە اقىل- كەڭەستەرىن بەردى.