ماسكا تاقپاعان وسكەمەن اكىمىنە قاتىستى تەكسەرۋ باستالدى
سوڭعى كۇندەرى الەۋمەتتىك جەلىلەردە شاھار باسشىسى جاقسىلىق وماردىڭ بىرنەشە ادامنىڭ اراسىندا ماسكا تاقپاي وتىرىپ تۇسكەن فوتوسۋرەتى تاراپ كەتكەن بولاتىن. جۇرتشىلىق وڭىردەگى كارانتيندىك شەكتەۋلەردىڭ ساقتالماعاندىعىنا نارازىلىق ءبىلدىردى.
«بۇل ب. الەكساندروۆ اتىنداعى سپورت سارايىندا وتكەن شارادا جاسالعان سۋرەت. ق ر جانە وبلىستىڭ باس مەملەكەتتىك سانيتاريالىق دارىگەرلەرىنىڭ قاۋلىلارىنا سايكەس كورەرمەندەردىڭ قاتىسۋىمەن جالپى ادامدار سانىن دان اسىرماي، سپورتتىق ءىس-شارالاردى وتكىزۋگە رۇقسات بەرىلگەن. قازىرگى ۋاقىتتا اتالعان فاكتى بويىنشا ش ق و س ە ب د وسكەمەن قالالىق سانيتاريالىق- ەپيدەميولوگيالىق باقىلاۋ باسقارماسى تەكسەرۋ جۇرگىزۋدە. تۇسكەن ماتەريالدار زاڭنامادا بەلگىلەنگەن مەرزىمدە قارالاتىن بولادى»، - دەپ حابارلادى ش ق و سانيتاريالىق- ەپيدەميالوگيالىق باقىلاۋ دەپارتامەنتىنىڭ باسپا ءسوز قىزمەتىنەن.
وسى رەتتە، دەپارتامەنت ماماندارى جەكە جانە زاڭدى تۇلعالارعا شىعىس قازاقستان وبلىسىنىڭ «جاسىل» ايماقتا بولعانىنا قاراماستان، ق ر جانە وبلىستىڭ باس مەملەكەتتىك سانيتاريالىق دارىگەرلەرىنىڭ قاۋلىلارىمەن بەلگىلەنگەن شەكتەۋ شارالارىن قاتاڭ ساقتاۋ قاجەتتىگىن ەسكە سالدى.
اۆتور: تالعاتجان مۇحامەتبەك ۇلى