ەكى ايدا بيۋدجەتكە قانشا سالىق ءتۇستى
2021 -جىلعى قاڭتار- اقپان ايلارىندا مەملەكەتتىك بيۋدجەتتىڭ سالىقتىق تۇسىمدەر بويىنشا جوسپارى وتكەن جىلدىڭ ۇقساس كەزەڭىمەن سالىستىرعاندا 12,2 پايىزعا نەمەسە 194,2 ميلليارد تەڭگەگە تومەندەۋمەن 121,3 پايىزعا ورىندالدى (1146,6 ميلليارد تەڭگە جوسپار بويىنشا 244,6 ميلليارد تەڭگە اسىرا ورىنداۋمەن 1391,2 ميلليارد. تەڭگە ءتۇستى)، ونىڭ ىشىندە:
- رەسپۋبليكالىق بيۋدجەت وتكەن جىلدىڭ ۇقساس كەزەڭىمەن سالىستىرعاندا 18,5 پايىزعا نەمەسە 194,0 ميلليارد تەڭگەگە تومەندەۋمەن 113,6 پايىزعا (750,7 ميلليارد تەڭگە جوسپار بويىنشا 102,2 ميلليارد. تەڭگەگە اسىرا ورىنداۋمەن 852,9 ميلليارد. تەڭگە ءتۇستى) ورىندالدى؛
- جەرگىلىكتى بيۋدجەت 136,0 پايىزعا ورىندالدى (395,9 ميلليارد. تەڭگە جوسپار بويىنشا 142,4 ميلليارد. تەڭگەگە اسىرا ورىنداۋمەن 538,3 ميلليارد. تەڭگە ءتۇستى)، ءوسۋ قارقىنى وتكەن جىلدىڭ ۇقساس كەزەڭىمەن سالىستىرعاندا 100,0 پايىزدى قۇرادى.
رەسپۋبليكالىق بيۋدجەت جوسپارىن اسىرا ورىنداۋعا اسەر ەتكەن نەگىزگى فاكتورلار:
- مۇنايعا ەكسپورتتىق كەدەن باجى بويىنشا جوسپار $35 ستاۆكا بويىنشا سالىندى، ماسەلەن اعىمداعى جىلدىڭ قاڭتار- اقپان ايلارىندا ورتاشا ستاۆكا $55,2 دەڭگەيىندە قالىپتاستى.
- 2020 -جىلعى 4-توقسانىندا 2019 -جىلدىڭ ۇقساس كەزەڭىمەن سالىستىرعاندا نەگىزگى ەكسپورتتىق پوزيتسيالارعا، ونىڭ ىشىندە كۇمىس 40,9 پايىزعا، التىن 26,4 پايىزعا، مىس 21,1 پايىزعا، ۋران 17,5 پايىزعا، مىرىش 11,6 پايىزعا، تەمىر رۋداسى (كونسەنتراتى) 58,7 پايىزعا باعانىڭ ءوسۋى بايقالادى.