ق ر پرەمەر-ءمينيسترى باسپا ءسوز قىزمەتى ۇكىمەت مۇشەلەرىنىڭ ۇشاقپەن ۇشۋ شارتتارى تۋرالى اقپاراتقا تۇسىنىك بەردى

فوتو: None
نۇر-سۇلتان. قازاقپارات - ۇكىمەت مۇشەلەرىنىڭ ۇشاقپەن ۇشۋ شارتتارى تۋرالى الەۋمەتتىك جەلىلەردەگى اقپارات شىندىققا جاناسپايدى.

بۇل تۋرالى قازاقپارات ق ر پرەمەر- ءمينيسترى باسپا ءسوز قىزمەتىنە سىلتەمە جاساپ حابارلايدى.

قازاقستاندىق مەملەكەتتىك ب ا ق- تىڭ بۇرىنعى جۋرناليستى الەۋمەتتىك جەلىلەردە تاراتقان ۇكىمەت مۇشەلەرىنىڭ ۇشۋ شارتتارى مەن ولاردى تاسىمالداۋ قىزمەتتەرىنىڭ قۇنى تۋرالى اقپارات شىندىققا جاناسپايدى.

ول جىل سايىن پرەمەر-مينيستر مەن ونىڭ ورىنباسارلارىنىڭ، سونداي-اق ق ر پارلامەنتى سەناتى مەن ءماجىلىسى ءتوراعالارىنىڭ ۇشاقپەن ۇشۋلارىنا 15-20 ميلليارد تەڭگە كولەمىندە رەسپۋبليكالىق بيۋدجەتتەن قاراجات جۇمسالادى دەپ جازدى.

ءىس جۇزىندە 2021 -جىلعا ق ر پرەمەر-ءمينيسترى مەن پرەمەر- ءمينيستردىڭ ورىنباسارلارى باستاعان قازاقستاندىق دەلەگاتسيالاردىڭ اسا ماڭىزدى ۇشۋ ساپارلارىن (ليتەرلىك رەيستەردى) جۇزەگە اسىرۋعا 578 ميلليون تەڭگە مولشەرىندە شىعىس قاراجاتى قاراستىرىلعان. كورسەتىلگەن سوما 2021 -جىلى كولىك قىزمەتتەرىن قامتاماسىز ەتۋگە ەسەپتەلگەن.

بۇل رەتتە تولەم قازاقستاندىق دەلەگاتسيالاردىڭ ورىندالعان ناقتى وڭىرلىك جانە حالىقارالىق ۇشۋ جاعدايلارى بويىنشا تولەنەدى. مىسالى، 2020 -جىلى وسى ماقساتقا 578 ميلليون تەڭگە قاراستىرىلسا، ءىس جۇزىندە 275,6 ميلليون تەڭگەگە جۇمسالدى.

پرەمەر- مينيستر مەن پرەمەر- ءمينيستردىڭ ورىنباسارلارىندا تەك ولارعا بەكىتىلگەن جەكە ۇشاقتار جوق. ۇشاق ارقىلى جۇزەگە اسىرىلاتىن ساپارلار ەلىمىزدىڭ الەۋمەتتىك- ەكونوميكالىق دامۋ ماسەلەلەرىن شەشۋ ءۇشىن ق ر وڭىرلەرى ىشىندە، سونداي-اق مەملەكەت باسشىسىنىڭ شەت ەلدەرمەن، ونىڭ ىشىندە ەۋرازيالىق ەكونوميكالىق وداق جانە باسقا دا بىرلەستىكتەر اياسىندا ەكونوميكالىق ىنتىماقتاستىقتى دامىتۋ جونىندەگى تاپسىرمالارىن ورىنداۋ ماقساتىندا تاياۋ جانە الىس شەتەل مەملەكەتتەرىنە تەك قىزمەتتىك ماقساتتاردا ورىندالادى.

«كەستەسىز جولاۋشىلاردى تاسىمالداۋ بويىنشا اۋە كولىگى قىزمەتتەرىن (ىشكى جانە حالىقارالىق)» ق ر پ ء ى ب «بۇركىت» مەملەكەتتىك اۋە كومپانياسى» ش ج ق ر م ك كورسەتەدى. مينيسترلەر باستاعان قازاقستاندىق دەلەگاتسيالاردىڭ ۇشۋ ساپارلارىن كوممەرتسيالىق اۋە كومپانيالارىنىڭ رەيستىك جولاۋشىلار ۇشاقتارى جۇزەگە اسىرادى. قازاقستاندىق مەملەكەتتىك ب ا ق- تىڭ بۇرىنعى جۋرناليستى ۇشاقتا قىزمەت كورسەتۋگە قىزىل جانە قارا ۋىلدىرىق، اراق پەن ۆيسكي، ەكزوتيكالىق جەمىستەر كىرەتىنىن جازدى، بۇل دا شىندىققا جاناسپايدى. ۇشۋ ۇزاقتىعى 1 ساعاتقا دەيىن بولعان جاعدايدا جولاۋشىلارعا الكوگولسىز سالقىن سۋسىندار مەن سنەكتەر، ۇزاقتىعى 1-3 ساعات بولعان كەزدە ىستىق تاماق پەن ىستىق سۋسىندار (شاي، كوفە) بەرىلەدى. بورتتا تاماقتاندىرۋ ارەكەت ەتىپ تۇرعان زاڭناماعا - «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» ق ر زاڭىنا، جولاۋشىلاردى، باگاجدى جانە جۇكتەردى اۋە كولىگىمەن تاسىمالداۋ قاعيدالارىنا جانە باسقا دا نورماتيۆتىك قۇقىقتىق اكتىلەرگە سايكەس ۇسىنىلادى.

وسىلايشا، قازاقستاندىق مەملەكەتتىك ب ا ق-تىڭ بۇرىنعى جۋرناليستى تاراتقان اقپارات شىندىققا جاناسپايدى. وكىنىشكە قاراي، بۇل ‒ فاكتىلەردى بۇرمالاۋدىڭ جانە قوعامدىق رەزونانس تۋدىرۋ ءۇشىن جالعان اقپارات تاراتۋدىڭ تاعى ءبىر جاعدايى.