«بەتپەردەسىز بولدى». ب ق و تۇرعىنى دارىگەرلەرگە نارازى

نۇر-سۇلتان. قازاقپارات - باتىس قازاقستان وبلىسىندا ەر ادام ءبورلى اۋداندىق اۋرۋحاناسىندا بەتپەردەسىز جۇرگەن دارىگەرلەرگە نارازى.

ول الەۋمەتتىك جەلىلەردە ۆيدەو جاريالادى، - دەپ حابارلايدى Tengrinews.kz ءتىلشىسى.

2021 -جىلدىڭ 16-ناۋرىزىندا ءبورلى اۋداندىق اۋرۋحاناسىندا تۇسىرىلگەن ۆيدەو كادرلارىنان تيمۋر بازاروۆتىڭ دارىگەرلەردەن ماسكا تاعۋدى سۇراپ جاتقانىن كورۋگە بولادى.

«ۆيدەونى ءوزىم ءتۇسىردىم. انام سول اۋرۋحانادا جاتىر. تەراپيەۆتتەر دۇرىس تۇسىنىك بەرمەستەن ينسۋلت العان انامدى ۇيگە شىعارعىسى كەلەدى»، - دەدى ول.

الەۋمەتتىك جەلى قولدانۋشىلارىنىڭ كوزقاراسى ەكىگە ءبولىندى.

«سوندىقتان ءبىز «قىزىل« ايماقتا تۇرمىز. دارىگەرلەرگە دە ءبارىبىر. ماسكا تاعۋ رەجيمى، اراقاشىقتىق تا ساقتالمايدى. بۇلاي بولا بەرسە لوكداۋن ەنگىزىلەدى»، - دەدى نينا سۋدارۋشكينا.

«وندا تۇرعان نە بار؟ ولار ءوز بولمەلەرىندە وتىر. بۇعان دەيىن كورونوۆيرۋس ينفەكسياسىن جۇقتىرعان بولار. مىندەتتى تۇردە مۇنىڭ ءبارىن جەلىگە سالۋ كەرەك پە؟»، - دەپ جازادى الەۋمەتتىك جەلىنىڭ تاعى ءبىر قولدانۋشىسى.

دەنساۋلىق ساقتاۋ باسقارماسى وقيعاعا تۇسىنىك بەردى.

«وقيعا ورديناتور كابينەتىندە بولعان. ەكى مەديتسينا قىزمەتكەرى ماسكا تاقپاعان. ولارعا تارتىپتىك جازالاۋ شارالارى قولدانىلادى»، - دەدى ب ق و دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى ارمان قاليبەكوۆ.

وبلىستىق دەنساۋلىق ساقتاۋ باسقارماسىنىڭ باسشىلىعى تۇرعىنداردان جانجال تۋدىرماي باسقارماعا رەسمي تۇردە شاعىم ءتۇسىرۋدى سۇرادى.