فرانسيادا كوروناۆيرۋستىڭ جاڭا شتامى انىقتالدى، ا ق ش- تا انتيدەنەلەرى بار ءسابي دۇنيەگە كەلدى
ال فرانسيادا عالىمدار قاراپايىم پ ت ر- تەستىلەر انىقتاي المايتىن كوروناۆيرۋستىڭ جاڭا شتاممىن تىركەدى. ا ق ش- تا كوروناۆيرۋسقا ۆاكسينا العان انادان انتيدەنەلەرى بار شاقالاق دۇنيەگە كەلدى. قازاقپارات بۇل تۋرالى BBC - گە سىلتەمە جاساپ حابارلايدى.
ە و رەتتەۋشىسى AstraZeneca ۆاكسيناسىنا سەنىمىن ءبىلدىرىپ وتىر
سەيسەنبى كۇنى دارىلىك قۇرالداردىڭ ەۋروپالىق اگەنتتىگى (ە م ا) وزىندە بار مالىمەتتەرگە سايكەس AstraZeneca ۆاكسيناسى مەن ۆاكتسينا ەگىلگەن كەيبىر ادامداردا ترومبتاردىڭ پايدا بولۋى اراسىندا ەش بايلانىس جوقتىعىن تاعى ءبىر مالىمدەدى. ە ما باسشىسى ەمەر كۋك بۇل ۆاكسينانىڭ پايداسى بارلىق قاۋىپتەردىڭ ورنىن باساتىنىنا تولىق سەنىمدى ەكەنىن باسا ايتتى. AstraZeneca مالىمەتىنشە، ەۋروپادا ۆاكتسينا ەگىلگەن 17 ميلليون ادامنىڭ اراسىندا ترومبوزدىڭ 37 وقيعاسى تىركەلگەن. ە م ا بۇل وقيعالاردىڭ ءارقايسىسىنا تالداۋ جۇرگىزۋدە.
«ترومبوز ە و- داعى مىڭداعان ادامدا بولاتىنىڭ بىلەمىز جانە ەكپە سالعاندار مۇنداي جاعدايعا نە سەبەپتەن تاپ بولعانىن ناقتى انىقتاعىمىز كەلەدى. تەكسەرۋ جالعاسۋدا. ءبىراق قازىرگى كەزدە AstraZeneca ۆاكسيناسىنىڭ پايداسى Covid-19 ۆيرۋسى مەن ونىمەن بايلانىستى اۋرۋ جانە ءولىم وقيعالارى قاۋپىنەن جوعارى بولىپ وتىرعانىن سەنىممەن ايتا الامىز»، - دەپ باياندادى ەمەر كۋك.
EM- نىڭ تەرگەۋ قورىتىندىلارى بەيسەنبى كۇنى بەلگىلى بولادى. بۇگىندە گەرمانيا، يتاليا، فرانسيا، يسپانيا، پورتۋگاليا، سلوۆەنيا، يسلانديا، يرلانديا، نورۆەگيا، دانيا، نيدەرلاندى، يندونەزيا جانە ۆەنەسۋەلادا AstraZeneca پرەپاراتىمەن ەگۋدى ۋاقىتشا توقتاتتى. سەيسەنبىدە بۇل ەلدەر تىزىمىنە لاتۆيا مەن شۆەتسيا قوسىلدى. ال گەرمانيادا وڭىرلىك جانە فەدەرالدىق كوشباسشىلار ە م ا تەرگەۋىنىڭ قورىتىندىسى شىققانشا اتالمىش پرەپاراتپەن ۆاكسينالاۋ باعدارلاماسىن كەڭەيتۋدى كەيىنگە قالدىردى. تايلاند بيلىگى بولسا، كەرىسىنشە، AstraZeneca ۆاكسيناسىن ۋاقىتشا قولدانباۋ شەشىمىن وزگەرتتى. سەيسەنبى كۇنى بۇل ۆاكسينانى ەلدىڭ پرەمەر- ءمينيسترى پرايۋت چان- وچا سالدىرتتى.
«كۇماندانىپ جۇرگەن ادامدار بار. ءبىراق ءبىز دارىگەرلەرگە، مەديتسينانىڭ ناعىز ماماندارىنا سەنۋىمىز كەرەك»، - دەدى تايلاند ەلىنىڭ ۇكىمەت باسشىسى.
AstraZeneca ۆاكسيناسىن ءارى قاراي قولدانۋ شەشىمى تۋرالى اۆستراليا بيلىگى دە ءمالىم ەتتى. ال كانادانىڭ پرەمەر- ءمينيسترى دجاستين تريۋدو وتانداستارىن ەۋروپاداعى رەاكسياعا قاراماستان ەكپە سالدىرتۋدان باس تارتپاۋعا شاقىردى. جۇما كۇنى AstraZeneca مەن ترومبتاردىڭ اراسىندا بايلانىس دالەلدەرىنىڭ جوق ەكەنىن دۇنيەجۇزىلىك دەنساۋلىق ساقتاۋ ۇيىمى دا مالىمدەپ، ۇكىمەتتەردى ونى پاندەمياعا قارسى كۇرەس قۇرالى رەتىندە قولدانۋىن توقتاتپاۋعا ۇندەدى. ايتا كەتەيىك، بريتانيادا بۇل ۆاكسينا - نەگىزگىلەردىڭ ءبىرى، AstraZeneca-نىڭ ءبىرىنشى دوزاسىن ميلليونداعان ادام الىپ ۇلگەردى.
فرانسيادا كادىمگى تەستىلەر انىقتاي بەرمەيتىن كوروناۆيرۋستىڭ جاڭا شتامىن تىركەدى
فرانسيا بيلىگى ەلدىڭ باتىسىنداعى برەتان وڭىرىندە عالىمدار كوروناۆيرۋستىڭ جاڭا شتاممىن انىقتاعانىن مالىمدەدى. باستاپقى باعالاۋ بويىنشا، بۇل شتامم باسقالارىنا قاراعاندا الدەقايدا جۇقپالى نەمەسە قاۋىپتى ەمەس، دەلىنگەن دەنساۋلىق ساقتاۋ مينيسترلىگىنىڭ مالىمدەمەسىندە. ءبىرپاق ونىڭ باسقا قاۋىپتى ەرەكشەلىگى بولۋى مۇمكىن. بۇل شتامدى جۇقتىرىپ العان ادامدار توبى لانون قالاسىنىڭ اۋرۋحاناسىندا انىقتالدى. ءبىراق كەيبىرەۋلنەرىنىڭ اۋرۋ بەلگىلەرى بار بولعانىمەن، كوروناۆيرۋستى انىقتاۋ ءۇشىن ادەتتە جاسالاتىن ءتيىمدى پ ت ر- تەست تەرىس بولىپ شىققان.
ا ق ش- تا Covid-19 ۆيرۋسىنا قارسى انتيدەنەلەرى بار ءسابي دۇنيەگە كەلدى
فلوريدا شتاتىنداعى بوكا- راتوننىڭ پەدياتر دارىگەرلەر پول گيلبەرت پەن چەد رۋدنيك قانىندا Covid-19 ۆيرۋسىنان قورعايتىن انتيدەنەلەرى بار ءسابيدىڭ دۇنيەگە كەلگەنىنىڭ ءبىرىنشى وقيعاسىن بايانداپ بەردى. دوكتور گيلبەرتتىڭ ايتۋىنشا، قاڭتاردا دەنساكۋلىق ساقتاۋ جۇيەسىنىڭ جۇكتى قىزمەتكەرى بالاسىن بوسانۋعا ءۇش اپتا ۋاقىت قالعاندا Moderna ۆاكتسيناسىنىڭ ەكپەسىن سالدىرتتى. دارىگەرلەر بولسا، انتيدەنەلەردىڭ اناسىنان بالاسىنا ءوتۋ- وتپەۋىن انىقتاۋ ماقساتىندا، بۇل وقيعانى نازارلارىنا العان. بالا دۇنيەگە كەلگەن كەزدە ولار بىردەن كىندىگىنەن قان تالداۋىن الىپ، سابيدەن وعان تەك اناسىنان ءوتۋى مۇمكىن انتيدەنەلەردى انىقتادى.