بۇل تۋرالى ق ر ءبىلىم جانە عىلىم مينيسترلىگى باسپا ءسوز قىزمەتىنەن ءمالىم بولدى، دەپ حابارلايدى قازاقپارات ءتىلشىسى.
«وتكەن جىلى ۇلتتىق عىلىمي كەڭەستىڭ قۇرامى جاڭارتىلىپ، جۇمىسىنىڭ جاڭا قاعيدالارى بەكىتىلگەن بولاتىن. جوبالاردىڭ ەكونوميكالىق ساراپتاماسى مەن ۇلتتىق عىلىمي كەڭەس بالدارىن سارالاۋ ءراسىمى، مەملەكەتتىك عىلىمي- تەحنيكالىق ساراپتاما ەنگىزىلدى. 2021 -جىلى العاش رەت عىلىمي ۇيىمداردى جاڭعىرتۋعا 2,8 ميلليارد تەڭگە كولەمىندە قاراجات ءبولىندى. بۇل 22 عىلىمي- زەرتتەۋ ينستيتۋتىنىڭ ماتەريالدىق- تەحنيكالىق بازاسىن نىعايتۋعا مۇمكىندىك بەردى»، - دەلىنگەن مينيستولىك مالىمەتىندە.
قىسقا ۋاقىت ىشىندە بيولوگيالىق قاۋىپسىزدىك عىلىمي- زەرتتەۋ ينستيتۋتىنىڭ عالىمدارى وتە ماڭىزدى جۇمىس جۇرگىزىپ، بىردەن بەس ۆاكسينانى ازىرلەپ شىقتى. ولاردىڭ العاشقى ەكەۋى كلينيكاعا دەيىنگى جانە كلينيكالىق سىناقتاردان ءساتتى ءوتىپ جاتىر. وتاندىق ۆاكسينالار ءوندىرىسىن ىسكە قوسۋ ءۇشىن GMP-نىڭ بارلىق تالابىنا سايكەس كەلەتىن زاۋىت سالىنىپ جاتىر.
«عىلىمدى قارجىلاندىرۋدى ودان ءارى ۇلعايتۋ جوسپارلانىپ وتىر. عىلىمعا ارنالعان شىعىندار 2025 -جىلعا قاراي ج ءى ءو-نىڭ 1 پايىزىنا دەيىن وسەدى. بۇل قازاقستاندىق عىلىمنىڭ دامۋىنا جاڭا سەرپىن بەرەدى»، - دەپ اتالىپ وتكەن ۆەدومستۆو حابارلاماسىندا.
اۆتور: رۋسلان عابباسوۆ