«جاڭا جىلعا دەيىن كوۆيدتى ناۋقاستى ەمدەۋ ءۇشىن ءار كۇننىڭ ءوز باعاسى بولاتىن. قازىرگى ۋاقىتتا قوعامدىق دەنساۋلىق ساقتاۋ باسقارماسى تاريفتەردى انىقتادى. كوروناۆيرۋس ينفەكسياسىنىڭ اۋىر تۇرىمەن اۋىراتىن ءبىر ناۋقاستى ەمدەۋگە 930 مىڭ تەڭگەدەن استام قاراجات بولىنەدى. اۋىرلىعى ورتاشا پاتسيەنتتەر ءۇشىن - شامامەن 450 مىڭ تەڭگە. ءاربىر جاعداي بەلگىلەنگەن تاريفتىك ستاۆكالار بويىنشا قارالادى. بۇگىنگى تاڭدا ق ر دەنساۋلىق ساقتاۋ مينيسترلىگى بولگەن قاراجات كوروناۆيرۋس ينفەكسياسىمەن اۋىراتىن ناۋقاستارعا تولىقتاي جەتەدى. وعان ءدارى- دارمەكتەر، دارىگەرلەردىڭ، مەدبيكەلەردىڭ جالاقىسى جانە بارلىق قۇرىلعىلاردىڭ جابدىقتارى كىرەدى»، - دەدى ناريمان تابىنبايەۆ.
ايتا كەتۋ كەرەك، 10-ناۋرىزدا الماتى قالاسى كوروناۆيرۋس بويىنشا «قىزىل» ايماققا ەندى. قالانىڭ باس مەملەكەتتىك سانيتارلىق دارىگەرى جانداربەك بەكشين جاڭا قاۋلى شىعاردى. وعان سايكەس كارانتين رەجيمى كۇشەيتىلدى. وتكەن تاۋلىكتە الماتىدا كوروناۆيرۋس ينفەكسياسىنىڭ 297 جاعدايى تىركەلدى. ستاتسيونارلىق ەمدەۋدە 1239 ادام جاتىر. ونىڭ 64 ى - بالا. ەرەسەك 13 ناۋقاستىڭ جاعدايى وتە اۋىر.
اۆتور: الما مۇقانوۆا