ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 22 جانە 23 جاستاعى ەرلى- زايىپتىلار وسكەمەن قالاسىنىڭ ورتالىعىندا پاتەر جالداپ، الەۋمەتتىك جەلىلەر ارقىلى ەسىرتكى ساۋداسىمەن اينالىسقان.
«بەلگىلى بولعانداي، ولار وبلىس ورتالىعىنا سەمەي قالاسىنان كەلگەن. پوليسيا قىزمەتكەرلەرى كۇدىكتىلەردىڭ تۇرعىلىقتى جەرى بويىنشا ءتىنتۋ جۇرگىزۋ بارىسىندا ەلەكتروندى تارازىلاردى، جارتى ميلليون تەڭگەگە جۋىق اقشا جانە پسيحوتروپتىق زاتتار سالىنعان پوليەتيلەن پاكەتتەردى تاركىلەدى»، - دەلىنگەن حابارلامادا.
زاڭسىز جولمەن پايدا تاپقان ايەلى مەن كۇيەۋى وزدەرىنىڭ ءار قادامىن الدىن الا جوسپارلاپ العان. ەسىرتكى ساتۋدان تۇسكەن اقشا وتباسىلىق بيۋدجەتكە قۇيىلىپ وتىردى. وسىلايشا ولار ەكى اي كولەمىندە ەسىرتكى ساۋدالاعان.
«جالپى العاندا، ەسىرتكى ساتۋشىلاردان «كريس» جانە «مەف» دەپ اتالاتىن 700 دەن استام ءبىر رەتتىك پسيحوتروپتىق زات تاركىلەندى. ونىڭ «قارا نارىقتاعى» باعاسى 6 ميلليون تەڭگەدەن اسادى»، - دەدى ش ق و پ د باستىعىنىڭ ورىنباسارى تالعات شاياحمەتوۆ.
قازىرگى ۋاقىتتا ەرلى- زايىپتىلار وسكەمەن قالالىق پب ۋاقىتشا ۇستاۋ يزولياتورىنا قاماۋعا الىنعان. ق ر قىلمىستىق كودەكسىنىڭ 297-بابى 3-بولىگىنە سايكەس سوتقا دەيىنگى تەرگەۋ امالدارى جۇرگىزىلۋدە. كۇدىكتىلەر زاڭ بويىنشا 15 جىلعا دەيىن باس بوستاندىعىنان ايىرىلۋى مۇمكىن.