جيھاز جاساۋ سالاسىندا الاياقتىق كوبەيىپ بارادى – ساراپشى
«ەلوردا بويىنشا تۇتىنۋشىلار تاراپىنان بىزگە كۇنىنە ەڭ كەمىندە 50-60 ادام شاعىمدانادى. ولاردىڭ جارتىسى كەڭەس سۇراسا، قالعانى تۇتىنۋشىلىق قۇقىعىنىڭ بۇزىلعانى تۋرالى ناقتى ارىزبەن كەلەدى. پاندەمياعا قاتىستى كوبىنە ينتەرنەت ارقىلى ساۋدا دامىپ كەلە جاتقانى انىق. دەگەنمەن، وسى سالادا الاياقتار كوبەيىپ كەتكەنى كورىنىپ تۇر. سوندىقتان بىزگە وسى پروبلەماعا قاتىستى شاعىم كوپ تۇسەدى»، - دەدى تۇتىنۋشىلار قۇقىعىن قورعاۋ ۇيىمىنىڭ وكىلى ت. جاعىپاروۆا.
سونىمەن قاتار ول قاي باعىتتا الاياقتار كوپتەپ كەزدەسىپ جاتقانىن ايتتى.
«ەلوردادا قۇرىلىس سالاسى دامىعان. وسى ورايدا پاتەر الىپ جاتقان ادامدار بارشىلىق. ولار جيھاز جاساتۋعا تاپسىرىپ بەرەدى. ءبىراق جيھاز جاساۋ بويىنشا كاسىپكەرلىك سالاسىندا الاياقتىق ءورشىپ بارادى. تاپسىرىس بەرگەن تۇرعىنداردىڭ اقشاسىن جيناپ الادى دا، كەيىننەن جيھازدى جاساپ بەرمەي نەمەسە اقشانى قايتارماي ادامداردى الەككە سالادى. سونىمەن قاتار ازىق- تۇلىك، كيىمگە دە قاتىستى ارىزدار بولىپ جاتادى»، - دەدى تۇرسىن جاعىپاروۆا.
ايتا كەتەيىك، بۇگىن ەلوردادا ق ر ساۋدا جانە ينتەگراتسيا مينيسترلىگىندە دۇنيەجۇزىلىك تۇتىنۋشىلاردىڭ قۇقىقتارىن قورعاۋ كۇنى اياسىندا تۇتىنۋشىلاردىڭ قوعامدىق بىرلەستىكتەرىنىڭ وكىلدەرىن سالتاناتتى ماراپاتتاۋ ءراسىمى ءوتتى.