سولتۇستىك قازاقستان وبلىسىندا قاراعاي تۇقىمىن جيناۋ ناۋقانى اياقتالۋعا جاقىن
ول نە ءۇشىن كەرەك؟ بۇل ادامدار ايازدا دا، بوراندا دا ورماندا. قىس بويى وسىلاي بيىك قاراعايلارعا شىعىپ، بۇرشىگىن جينايدى. تىرنەكتەپ تەرەدى دەسەك بولادى. بۇل كوكتەمگە تۇقىم دايىنداۋ ناۋقانى.
مالىك ءمۇرسالىم، ورمانشى:
- كەي جىلدارى كوپ بولادى. وندا ءبىر ايدىڭ ىشىندە، جارتى ايدىڭ ىشىندە جيناپ الامىز. تۇقىم جوق كەزىندە كوبىرەك جۇرەمىز. ىزدەيمىز. اعاشتاردى اينالامىز. جول بولماي قالادى. جاياۋ بارامىز.
«ءبىر قاپتى جارتى كۇن ءجۇرىپ تولتىرعان كەزدەرىمىز بولدى» دەيدى ورمانشىلار. ونىڭ ۇستىنە بيىل قاراعاي بۇرشىگى سيرەك كەزدەسەتىن كورىنەدى.
- تابيعات قورعاۋشىلارىنا وسى قىستا 60 توننا قاراعاي بۇرشىگىن جيناۋ كەرەك. بۇل شامامەن ەكى جارىم مىڭداي قاپ. مامانداردىڭ ايتۋىنشا، اعاش تۇقىمىن ايازدا تەرگەن دۇرىس. ويتكەنى ول كۇننىڭ سۋىعىندا وڭاي ۇزىلەدى. 100 كەلى بۇرشىكتەن تەك ءبىر كەلى تۇقىم شىعادى. ول ارنايى قۇتىلاردا قويمادا ساقتالادى. ورمانشىلار وسىلايشا ءبىر ءداندى ءوسىرىپ شىعارۋ ءۇشىن قاجىر- قايراتىن سارپ ەتەدى.
ميحايل ۆلاسوۆ، ورمان شارۋاشىلىعىنىڭ قىزمەتكەرى:
- بۇل بۇرشىكتەر ىستىق بارابانعا توگىلەدى. جوعارى تەمپەراتۋرادان ولار اشىلىپ، قاناتتى تۇقىمدار شاشىلادى. ءبىر سوزبەن ايتقاندا، وڭاي شارۋا ەمەس. وڭىردە قاراعاي مەن قايىڭ اعاشتارى ەكى ەسەگە ۇلعايادى. بيىل تابيعات قورعاۋشىلارى 3 ميلليون جۋىق كوشەت وتىرعىزباق. ول بولاشاقتا ءبىر مىڭ گەكتار ورمان بولادى.
www.24.kz