وسىنداي تاقىرىبى جانە مۇقاباسىندا ادامدار توبى كورسەتىلگەن ۆيدەو YouTube پلاتفورماسىندا تارالىپ جاتىر، دەپ حابارلايدى قازاقپارات. ۆيدەو الەۋمەتتىك جەلىلەر مەن مەسسەندجەرلەردە 8 -ناۋرىز قارساڭىندا كوپبالالى انالارعا الەۋمەتتىك كومەك بەرۋ تۋرالى جاڭالىقتار اياسىندا تارادى. جاعداي قازاقستان استاناسىندا بولعان دەپ حابارلاندى. الايدا، باسقا قالالاردا بولعانى تۋرالى نۇسقالار دا بار. Factcheck.kz سايتىنىڭ مالىمەتىنشە، بۇل ۆيدەو – فەيك ( جالعان ) .
«بۇل ۆيدەو 2-ناۋرىز كۇنى تاڭەرتەڭ بوليۆياداعى El Alto ۋنيۆەرسيتەتىندە تۇسىرىلگەن. كەم دەگەندە جەتى ستۋدەنت تەمىر قورشاۋ سىنعاننان كەيىن ۋنيۆەرسيتەت عيماراتىنىڭ ءتورتىنشى قاباتىنان قۇلاپ، مەرت بولدى، بەسەۋى اۋىر جاراقات الدى. ۆيدەودا ستۋدەنتتەردىڭ تار دالىزدە سىعىلىسىپ، ءماجىلىس زالىنا جينالىسقا كىرۋگە ۇمتىلعانى، سودان قورشاۋ شىداماي، سىنىپ كەتكەنى كورىنەدى. El Alto ۋنيۆەرسيەتىنىڭ Twitter- دەگى رەسمي پاراقشاسىندا ج و و-نىڭ رەسمي مالىمدەمەسى جاريالاندى. وندا ۋنيۆەرسيتەت باسشىلىعى 2-ناۋرىز كۇنى تاڭەرتەڭ بولعان وسى وقيعاعا بايلانىستى قابىلدانعان شارالار تۋرالى حابارلايدى.
اتاپ ايتقاندا، ۋنيۆەرسيتەت بويىنشا 7 كۇندىك ازا تۇتۋ جاريالانعان. ەل-التو مەملەكەتتىك ۋنيۆەرسيتەتى جارالانعان جانە كوز جۇمعان ستۋدەنتتەردىڭ وتباسىلارىمەن بايلانىستا. جاراقات العان ۋنيۆەرسيتەت ستۋدەنتتەرىنە مەديتسينالىق قىزمەت كورسەتۋ شىعىندارى جانە قايتىس بولعان ستۋدەنتتەردى جەرلەۋ شىعىندارى وتەلەدى.
«ەل- التو مەملەكەتتىك ۋنيۆەرسيتەتى وقيعانى تەرگەۋگە قاتىسۋ ءۇشىن زاڭدى ديرەكسيا ارقىلى مەملەكەتتىك مينيسترلىككە شاعىم تۇسىرەدى. ۋنيۆەرسيتەت باسشىلىعى قازا تاپقانداردىڭ وتباسىنا قايعىرىپ كوڭىل ايتادى»، - دەلىنگەن مالىمدەمەدە.
«ال قازاقستاندا مەرەكەگە وراي قارجىلاي الەۋمەتىك كومەك كورسەتىلە مە؟» دەگەن ساۋالعا كەلسەك، «نۇر-سۇلتان قالاسىنىڭ الەۋمەتتىك كومەك بەرۋ، ولاردىڭ مولشەرىن بەلگىلەۋ جانە جەكەلەگەن ساناتتار ءتىزىمىن انىقتاۋ ەرەجەلەرى تۋرالى» زاڭ بويىنشا، اتاۋلى جانە مەرەكە كۇندەرى الەۋمەتتىك كومەك قاراستىرىلعان. ونىڭ مولشەرى - 2,5 ا ە ك. بۇل - شىنىمەن دە، شامامەن 17 دوللار (7 مىڭ تەڭگەدەن ءسال اسادى)»، - دەپ جازادى factcheck.kz سايتى.