بۇل تۋرالى ءبىلىم جانە عىلىم مينيسترلىگىنىڭ القا ماجىلىسىندە ۆەدومستۆو باسشىسى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.
«تاعى ءبىر ماسەلە - ول قاشىقتان وقىتۋ تەتىكتەرىن جەتىلدىرۋ. پاندەميا اياقتالعاننان كەيىن ۋنيۆەرسيتەتتەر، كوللەدجدەر مەن مەكتەپتەردە قاي مولشەردە جانە قانداي جاعدايدا قاشىقتان وقىتۋ تەتىگىن دامىتامىز دەگەن وتە ماڭىزدى سۇراق بولىپ تۇر. سوندىقتان بۇل ماسەلەنى دە پىسىقتاپ جاتىرمىز. قازىرگى كەزدە بىرتە- بىرتە مەكتەپتەر اشىلىپ جاتىر. دەسەك تە قيىن مىندەت مەكتەپتەردى جاۋىپ، وسىنداي قاشىقتان وقىتۋعا كوشىرۋ ەمەس، ياعني، كەرىسىنشە، ەندى قاشىقتان وقىتۋ فورماتىنان ءداستۇرلى فورماتقا كوشىرۋ قيىن جۇمىس بولادى. سوندىقتان وسى ماسەلەنى جان- جاقتى قاراستىرىپ، ءتيىستى جۇمىستا اتقارۋىمىز كەرەك»، - دەدى ا. ايماعامبەتوۆ.
ونىڭ ايتۋىنشا، بۇل باعىتتا مينيسترلىك ارنايى باعدارلاما ازىرلەنىپ دايىندالدى. بۇدان بۇرىن حابارلانعانداي، مينيستر پەداگوگتاردى ءتان ەمەس قىزمەتتەرگە ءارى كوزدەلمەگەن ەسەپتەرگە تارتۋدان بوساتۋ شارالارى قابىلدانعانىن ايتتى. ايتا كەتەيىك، پەداگوگ ماماندىعىن تاڭداعان «التىن بەلگى» يەگەرلەرى ەكى ە سەگە جۋىق ۇلعايدى.