كۇتپەگەن جاعداي بولعاندىقتان ەڭ الدىمەن قورعانىس قۇرالدارى مەن ءدارى-دارمەك جەتىسپەۋشىلىگى انىق بايقالدى. دەگەنمەن مەملەكەت بۇل جەتىسپەۋشىلىكتى قالپىنا كەلتىرە الدى، دەپ حابارلايدى قازاقپارات ءتىلشىسى.
دەنساۋلىق ساقتاۋ مينيسترلىگىنىڭ باسپا ءسوز قىزمەتى حابارلاعانداي، 2020-جىلعى جاعداي بويىنشا قازاقستاندا فارماتسيەۆتيكا ونەركاسىبىندە 96 كاسىپورىن دارىلىك زاتتار مەن مەديتسينالىق بۇيىمدار شىعارعان (ءدارى ءوندىرۋ بويىنشا - 33، مەديتسينالىق ماقساتتاعى بۇيىمدار وندىرۋدە - 22 جانە مەديتسينالىق تەحنيكادا - 41). دارىلىك زاتتار مەن مەديتسينالىق بۇيىمداردىڭ 5014 اتاۋىن (ءدارى-دارمەك - 996، مەديتسينالىق بۇيىمدار - 4018) جەتكىزۋگە 36 وتاندىق تاۋار وندىرۋشىمەن 88 ۇزاقمەرزىمدى شارت جاسالدى.
بۇدان بولەك، دەنساۋلىق ساقتاۋ مينيسترلىگى حابارلاعانداي، 2015-جىلى «نوبەل الماتى فارماتسيەۆتيكالىق فابريكاسى» ا ق GMP حالىقارالىق ستاندارتتارىن ەنگىزۋمەن بىرگە Abbott Products Operations AG ترانسۇلتتىق فارماتسيەۆتيكالىق كومپانيالارىمەن كەلىسىمشارتتىق ءوندىرىس جاسالعان.
«حيمفارم» ا ق 2013 - 2016-جىلدارى Sanofi كەلىسىمشارتتىق ءوندىرۋ جوباسىن (گەپاتوپروتەكتور - ەسسەنتسيالە®ن فورتە، كاپسۋلالار) ىسكە اسىرعان. جالپى، فارماتسيەۆتيكالىق ءونىم ءوندىرىسى نەگىزگى كاسىپورىنداردا شوعىرلانعان، ولار بارلىق ءدارى-دارمەك پەن مەديتسينالىق بۇيىمداردىڭ %85 استامىن وندىرەدى. ماڭىزدى جوبالار «حيمفارم» ا ق (شىمكەنت قالاسى، دارىلىك زاتتار ءوندىرىسى، سالاداعى ۇلەسى - %38)، «نوبەل ا ف ف» ا ق (الماتى قالاسى، دارىلىك زاتتار ءوندىرىسى، سالاداعى ۇلەسى - %28)، «Kelun Kazpharm» ج ش س (الماتى وبلىسى، ينفۋزيالىق ەرىتىندىلەر ءوندىرىسى، سالاداعى ۇلەسى - %10)، «ابدي يبراگيم گلوبال فارم» ا ق (الماتى وبلىسى، دارىلىك زاتتار ءوندىرىسى، سالاداعى ۇلەسى - %5)، «Dolce-Pharm» ج ش س (الماتى وبلىسى، مەديتسينالىق بۇيىمدار ءوندىرىسى، سالاداعى ۇلەسى - %4) جۇزەگە اسۋدا.
ودان بولەك، 2020 -جىلى مەديتسينالىق ماسكا ءوندىرىسى تاۋلىگىنە 170 مىڭ دانادان 1,2 ميلليون داناعا دەيىن ۇلعايدى، ءبىر رەتتىك مەديتسينالىق قولعاپ ءوندىرىسى - تاۋلىگىنە 173 مىڭ جۇپتان 330 مىڭ جۇپقا، قورعانىس جيىنتىعى ءوندىرىسى - ايىنا 80 مىڭ دانادان 504 مىڭ داناعا دەيىن ارتقان.
شپريتس ءوندىرىسى - 131,2 م ميلليون دانادان 139,6 ميلليون داناعا دەيىن، انتيبيوتيگى بار دارىلەر ءوندىرىسى - 1,2 مىڭ توننادان 2,3 مىڭ تونناعا دەيىن، گورموندارى بار دارىلەر ءوندىرىسى - 0,6 توننادان 374 تونناعا دەيىن، سارىسۋلار مەن يممۋندىق پرەپاراتتار ءوندىرىسى - 0,9 مىڭ توننادان 1,2 مىڭ تونناعا دەيىن وسكەن.
فارماتسيەۆتيكالىق جانە مەديتسينالىق ونەركاسىپتى دامىتۋ جونىندەگى 2020-2025-جىلدارعا ارنالعان كەشەندى جوسپاردا فارماتسيەۆتيكالىق جانە مەديتسينالىق ونەركاسىپتى قولداۋ مەن دامىتۋدىڭ نەگىزگى باعىتتارى قاراستىرىلعان. وعان فارماتسيەۆتيكالىق قىزمەتتى، ەاەو اياسىندا دارىلىك زاتتار مەن مەديتسينالىق بۇيىمدار اينالىمىن رەتتەيتىن زاڭنامالىق جانە نورماتيۆتىك اكتىلەر، مەملەكەتتىك قولداۋ شارالارى، عىلىمي-زەرتتەۋ جانە تاجىريبەلىك- كونسترۋكتورلىق جۇمىستار، ينۆەستيتسيالار تارتۋ، سالانى كادرمەن قامتاماسىز ەتۋ، دارىلىك زاتتاردى تاڭبالاۋ، ولاردىڭ قاداعالانۋى جانە وتاندىق دارىلىك زاتتار مەن مەديتسينالىق بۇيىمدار وندىرۋشىلەرىنىڭ الەۋەتىن ارتتىرۋ كىرەدى.
سونىمەن بىرگە، كوروناۆيرۋس ينفەكتسياسىنىڭ ىقتيمال تولقىنىنا دايىندىق اياسىندا ءبىرىڭعاي ديستريبيۋتور «س ق- فارماتسيا» ج ش س ءبىرقاتار ءىس-شارا جۇرگىزدى.
ءبىرىڭعاي ديستريبيۋتور قويمالارىندا 6,27 ميلليارد تەڭگەگە COVID-19 ەمدەۋ ءۇشىن دارىلىك زاتتار مەن مەديتسينالىق بۇيىمداردىڭ 38 اتالىمى بويىنشا ەكى ايلىق قور قامتاماسىز ەتىلدى، بۇل اي سايىن 60 مىڭ پاتسيەنتتى قامتۋعا مۇمكىندىك بەرەدى.
مەديتسينالىق ۇيىمداردا دارىلىك زاتتار مەن مەديتسينالىق بۇيىمداردىڭ 91 ءتۇرى بويىنشا 23,6 ميلليارد تەڭگەگە ءبىر ايلىق قور قۇرىلدى. امبۋلاتوريالىق ءدارى-دارمەكپەن قامتاماسىز ەتۋ ءتىزىمى 5 اتاۋعا كەڭەيتىلدى (قىزۋدى باساتىن «پاراتسەتامول» جانە «يبۋپروفەن»، قان سۇيىلتاتىن «ريۆاروكسابان»، «اپيكسابان» جانە «دابيگاتران»).
2020 -جىلى مەديتسينالىق ۇيىمدارعا 2 ميلليارد تەڭگە سوماسىنا دارىلىك زاتتار مەن مەديتسينالىق بۇيىمدار جەتكىزىلگەن. ينتەرۆەنتسيا اياسىندا بولشەك ساۋدا جەلىسىندە 1,8 ميلليارد تەڭگەگە 26 ءدارىنىڭ ەكى ايلىق قورى قالىپتاستى. ءدارىحانالاردا بولشەك ساۋدا جەلىسىندە ساتۋ ءۇشىن 10 ميلليون ماسكا ساتىپ الىنعان (ونىڭ ىشىندە 0,4 ميلليارد تەڭگەگە 500 مىڭ بالالار ماسكاسى الىنعان). جەكە قورعانىس قۇرالدارىنىڭ قورى قامتاماسىز ەتىلدى - 400 مىڭ بىررەتتىك قورعانىس كوستيۋمدەرى الىندى، ونىڭ 200 مىڭى وڭىرلەر اراسىندا بولىنەدى. قالعان 200 مىڭى - ءبىرىڭعاي ديستريبيۋتوردىڭ حابتارىندا ساقتالادى. ۇيىمنىڭ ايتۋىنشا، كوروناۆيرۋستى ەمدەۋ حاتتاماسىنا كىرەتىن ءدارى-دارمەكتىڭ %48 - وتاندىق ونىمدەر.