الماتى اكىمى اپاتتان زارداپ شەككەندەرگە بارلىق قاجەتتى مەدكومەك كورسەتۋدى تاپسىردى

الماتى. قازاقپارات - باقىتجان ساعىنتايەۆ ۇشاق اپاتىنان زارداپ شەككەندەرگە بارلىق قاجەتتى مەديتسينالىق كومەك كورسەتۋدى تاپسىردى، دەپ حابارلايدى قازاقپارات ءتىلشىسى.

الماتى اكىمى باقىتجان ساعىنتايەۆ قالانىڭ اۋەجايىندا بولعان ان-26 ۇشاعى قۇلاعان جەرگە باردى.

قالا باسشىسى Twitter اككاۋنتىندا جاعدايدى باقىلاۋدا ۇستاپ وتىرعانىن حابارلادى.

«ان-26 اسكەري ۇشاعى قۇلاعان جەرگە باردىم. ءتيىستى قىزمەت وكىلدەرىنە بولعان وقيعانىڭ سالدارىن جويۋدى تاپسىردىم. قازا بولعانداردىڭ تۋىستارى مەن جاقىندارىنا كوڭىل ايتامىن. زارداپ شەككەندەرگە بارلىق قاجەتتى مەديتسينالىق كومەك كورسەتىلۋدە»، - دەپ جازدى ب. ساعىنتايەۆ.

ەسكە سالساق، كەشە نۇر-سۇلتان-الماتى باعىتىندا كەلە جاتقان ان-26 اسكەري ۇشاعى 17.22 دە راداردان جوعالىپ، قالا اۋەجايى ماڭىندا اپاتقا ۇشىرادى.

ۇشاقتا بولعان 4 ادام قازا تاپتى. 2 ادام ءتۇرلى جاراقاتتارمەن الماتى قالاسىنىڭ 4-قالالىق كلينيكالىق اۋرۋحاناسىنا جەتكىزىلدى.