«الماتى اۋەجايىندا بولعان ۇشاق اپاتى ءبارىمىزدىڭ قابىرعامىزدى قايىستىردى. توتەنشە جاعداي سالدارىنان قازا تاپقان اسكەري قىزمەتكەرلەردىڭ تۋىستارىنا ورنى تولماس قايعىلارىنا ورتاقتاسىپ، كوڭىل ايتامىن. جاراقات العان ازاماتتاردىڭ تەزىرەك ساۋىعىپ كەتۋىنە تىلەكتەسپىز. مۇنداي قايعىلى وقيعالار ەلىمىزدە قايتالانباسىن دەپ تىلەيىك»، - دەپ جازدى ق ر پارلامەنتى سەناتىنىڭ ءتوراعاسى ماۋلەن اشىمبايەۆ Facebook پاراقشاسىنا.
ەسكە سالا كەتسەك، بۇگىن الماتى اۋەجايى ماڭىندا اسكەري ۇشاق اپاتقا ۇشىراپ، 4 ادام قازا تاپتى.
«كەشە 17:20 دا نۇر-سۇلتان-الماتى» باعىتىندا ۇشىپ شىققان ۇ ق ك اۋە قىزمەتىنىڭ ان-26 ۇشاعى اپاتقا ۇشىرادى. بىردەن دابىل قاعىلدى. وقيعا ورنىنا اپاتتىق قۇتقارۋ جاساعى شۇعىل اتتاندى. الدىن الا تارالعان اقپاراتقا سايكەس، بورت ۇشۋ قونۋ جولاعىنىڭ باس جاعىندا قۇلاعان»، - دەدى اۋەجايدىڭ باسپا ءسوز قىزمەتى.