اقتوبەدە جاس اقىندار ايتىسى ءوتتى

اقتوبە. قازاقپارات - اقتوبە وبلىستىق حالىق شىعارماشىلىعى ورتالىعى ناۋرىز مەرەكەسىنە وراي «جىل باسى - ناۋرىز» اتتى ايتىس وتكىزدى، دەپ حابارلايدى قازاقپارات ءتىلشىسى.

ۇيىمداستىرۋشىلار سالت-ءداستۇردى ۇلىقتاۋ، ايتىس ونەرىنىڭ دامۋىنا قولداۋ كورسەتۋ، ەلىمىزدىڭ تاۋەلسىزدىك جىلدارىندا قول جەتكىزگەن تابىسى مەن قۇندىلىقتارىن، سونداي-اق وبلىستاعى ايتىس مەكتەبىنىڭ شىعارماشىلىق الەۋەتىن ناسيحاتتاۋدى ماقسات ەتتى.

ايتىسكەرلەردىڭ ونەرىن بەلگىلى اقىن ورالباي كامەتيا جانە وبلىستىق ءماسليحات دەپۋتاتى جۇلدىز قوجابەكوۆا باستاعان قازىلار القاسى باعالادى.

جىر جارىسىن اقىن، وبلىستىق حالىق شىعارماشىلىعى ورتالىعى جاس ايتىسكەرلەر مەكتەبىنىڭ جەتەكشىسى مارات احمەتوۆ جۇرگىزىپ وتىردى.

«جىل باسى - ناۋرىز» تاقىرىبىنداعى جىر بايگەسىنە جاڭاجول مۇقانوۆ، زليقا ناۋرىزالينا، نۇربول جاۋىنبايەۆ، اسىلبەك ءابدىراحمان، شىناربەك تۇرسىن ۇلى، ۇلجان ءاشىر، راحمەتوللا جۇبانالى (العا اۋدانى)، سامعار ورىنباي، ناۋرىزبەك ءابىلقاسىموۆ (مارتوك اۋدانى)، ساعىنىش سمەت، ايبولات كوشكىنباي، اراي نۇرادين سىندى جاس اقىندار قاتىسىپ، كورەرمەنگە اسەرلى ايتىس سىيلادى. اقىندار ناۋرىز مەرەكەسى مەن سالت-ءداستۇرىمىزدى ارقاۋ ەتتى. جاستاردىڭ ايتىسى كوپشىلىكتىڭ كوڭىلىنەن شىقتى»، - دەدى اقتوبە وبلىستىق حالىق شىعارماشىلىعى ورتالىعى ديرەكتورىنىڭ ورىنباسارى گۇلنار سەيتالينا.

بارلىعى 12 جاس اقىن قاتىسقان ونەر باسەكەسىندە نۇربول جاۋىنبايەۆ باس جۇلدەنى جەڭىپ الدى.

ءبىرىنشى ورىندى زليقا ناۋرىزالينا، ەكىنشى ورىندى اسىلبەك ءابدىراحمان مەن شىناربەك تۇرسىن ۇلى، ال ءۇشىنشى ورىندى ناۋرىزبەك ءابىلقاسىموۆ (مارتوك اۋدانى) جانە اراي نۇرادين ەنشىلەدى.

بارلىق قاتىسۋشىلارعا ىنتالاندىرۋ سىيلىعى تابىستالدى.