بۇل تۋرالى ق ر دەنساۋلىق ساقتاۋ ءمينيسترى الەكسەي سوي «حابار» ارناسىنا بەرگەن سۇحباتىندا ايتتى، دەپ حابارلايدى قازاقپارات ءتىلشىسى.
«ۆاكسينانىڭ تەرىس اسەرى وتە سيرەك بولادى. ۆاكسينا ەگىلگەندەردىڭ %1 ىندا عانا تەرىس رەاكسيا بولعانىن انىقتادىق. مۇنى كەرى اسەر دەپ تە ايتۋعا كەلمەيدى، سەبەبى ول ۆاكسينا ەگىلگەن جەردىڭ ءىسىپ كەتۋى سياقتى سيپاتتا بولادى جانە 1-2 كۇندە قالىپقا كەلەدى»، - دەيدى ق ر دەنساۋلىق ساقتاۋ ءمينيسترى الەكسەي سوي.
ونىڭ ايتۋىنشا، ۆاكسينا العان ادام 45 كۇن ىشىندە ناۋقاسپەن بايلانىستا بولسا ەكىنشى رەت ۆاكسينا العانعا دەيىن قايتادان اۋىرىپ قالۋى مۇمكىن.
«يممۋنيتەت ۆاكسينا العان كۇننەن 45 كۇن وتكەن سوڭ قالىپتاسادى. سول ءۇشىن وسى كۇندەر ارالىعىندا ساقتانىپ ءجۇرۋ كەرەك. ۆاكسينا العاننان كەيىن 2-3 كۇن وتكەندە ناۋقاسپەن بايلانىستا بولىپ، اۋىرىپ قالعان 3-4 جاعداي كەزدەستى. ال ۆاكسينانى ەكى رەت العاننان كەيىن ونداي جاعدايعا تاپ بولعاندار بولعان جوق»، - دەيدى ول.
اۆتور: زارينا قاھارمان