وندا 16 مىڭنان استام جۇمىس بار، دەپ حابارلايدى قازاقپارات ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
اتلاس حالىقتى جۇمىسپەن قامتۋ ورتالىقتارىنىڭ قىزمەتكەرلەرى، مۇگەدەكتىگى بار ادامدار مەن ولاردىڭ رەسمي وكىلدەرىنىڭ پايدالانۋىنا، سونداي- اق ەلەكتروندى ەڭبەك بيرجاسىندا جۇمىس ىزدەۋدى جەتىلدىرۋگە ارنالعان. اتلاستىڭ كورسەتىلىمى ەڭبەك جانە حالىقتى الەۋمەتتىك قورعاۋ مينيسترلىگىندە ءوتتى. ۆيتسە- مينيستر ەرلان اۋكەنوۆتىڭ توراعالىعىمەن وتكەن ءىس- شاراعا ونلاين رەجيمدە وڭىرلىك جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارمالارىنىڭ، حالىقتى جۇمىسپەن قامتۋ ورتالىقتارىنىڭ، ەڭبەك جانە حالىقتى الەۋمەتتىك قورعاۋ جانە كوشى- قون كوميتەتىنىڭ اۋماقتىق دەپارتامەنتتەرىنىڭ، ەڭبەك رەسۋرستارىن دامىتۋ ورتالىعىنىڭ، بۇۇ دب، «اتامەكەن» ۇ ك پ وكىلدەرى، مۇگەدەكتىگى بار ادامدار قاتىستى. بۇگىنگى تاڭدا قازاقستاندا 695 مىڭنان استام مۇگەدەكتىگى بار ادام تۇرادى، ونىڭ ىشىندە 419,8 مىڭى ەڭبەككە قابىلەتتى جاستا % 60 . ولاردىڭ 106 مىڭنان استامى جۇمىس ىستەيدى. I توپتاعى مۇگەدەكتىگى بار ادامداردىڭ جانە ەڭبەككە قابىلەتتىلىگىنەن ايىرىلۋ كورسەتكىشتەرى بار مۇگەدەكتىگى بار ادامداردىڭ% 60-100 جاعدايلاردا جۇمىسقا ورنالاسۋ مۇمكىندىگى وتە تومەن، سونداي- اق كورىنۋ دارەجەسى بويىنشا ەڭ اۋىر اۋرۋلارى بولاتىنىن اتاپ وتكەن ماڭىزدى. قازاقستان بويىنشا 230 مىڭعا جۋىق مۇگەدەكتىگى بار ادام ورگانيزم فۋنكتسيالارىنىڭ ايقىن بۇزىلۋىنا، ارنايى ەڭبەك جاعدايلارىن جاساۋ قاجەتتىلىگىنە نەمەسە كاسىپتىك قىزمەتتىڭ كەز كەلگەن ءتۇرىن ورىنداۋ ءۇشىن تولىق قارسى كورسەتىلىمنىڭ بولۋىنا بايلانىستى جۇمىسقا ورنالاستىرۋ ماسەلەسىندە قيىندىققا تاپ بولادى.
«مۇگەدەكتىگى بار ادامدار ءۇشىن ۇسىنىلاتىن ماماندىقتاردىڭ اتلاسى ەرەكشە قاجەتتىلىكتەرى بار ادامداردىڭ ەكونوميكالىق بەلسەندىلىگى ءۇشىن مۇمكىندىكتەر جاساۋ ماقساتىندا ازىرلەندى. بۇل انىقتامالىق مۇگەدەكتىگى بار ادامداردى جۇمىسقا ورنالاستىرۋ كەزىندە، ونىڭ ىشىندە ەلەكتروندىق ەڭبەك بيرجاسى پورتالىندا جۇمىس ىزدەۋدى جەتىلدىرۋ ءۇشىن پايدالانىلاتىن بولادى. ۇسىنىلاتىن ماماندىقتار ق ر ۇلتتىق كاسىپتەر سىنىپتاۋىشىنا نەگىزدەلگەن. 12 مىڭنان استام ماماندىق زەرتتەلدى، ناتيجەسىندە مۇگەدەكتىكتىڭ I توبىنا 2,5 مىڭعا جۋىق ماماندىق ۇسىنىلدى، II جانە III توپتارعا جەكە - جەكە 7 مىڭعا جۋىق ماماندىق ۇسىنىلدى»، - دەپ اتاپ ءوتتى ەرلان اۋكەنوۆ.
اتلاستا 16 مىڭنان استام ۇسىنىلعان ماماندىق بار، ولاردىڭ 7 مىڭى بىرەگەي. بۇل ونلاين رەجيمىنە اۋىسۋعا بايلانىستى جاڭا قارقىن العان وقىتۋ جانە جاتتىقتىرۋشى سياقتى بۇرىننان قالىپتاسقان ماماندىقتار جانە ينتەرنەت ارقىلى ساتۋ، SMM جانە جۇيەلىك باسقارۋ جانە ت. ب. سياقتى سالىستىرمالى تۇردە الىپ قاراعاندا جاڭا ماماندىقتار.