ەلوردالىق ديزاينەر الجير مۇراجايىنىڭ جادىگەرلەرىنە جان ءبىتىردى
الماز دۇيسەبايەۆ مۇراجاي جادىگەرلەرىن سمارتفونىنا ۆيدەوعا ءتۇسىرىپ، انيماتسيا مەن ارنايى ەففەكتىلەرگە ارنالعان گرافيكالىق باعدارلاما ارقىلى پىشىندەردى قوزعالىسقا كەلتىرگەن. كادرلاردا تۇتقىن ايەلدەردىڭ لاگەردەگى ءومىرى كورسەتىلگەن. بىرەۋ تىگىن ماشيناسىمەن جۇمىس ىستەپ وتىرسا، تاعى بىرەۋ سالقىن كامەرادا نارەستەسىن جىلىتىپ الەك، قالعاندارى بالالارىنىڭ جازعان حاتىن وقىپ وتىر.
«جاۋسىز جاندار جۇرگىزگەن كىمگە زاڭىن، باقىت جايلى مەن قالاي جىر جازامىن. ايتۋ قيىن جىلاماي «الجير» اتتى ايەلدەرگە ارنالعان تۇرمە ازابىن»، - دەگەن قانيپا بۇعىبايەۆانىڭ جىر جولدارى بەرىلگەن ۆيدەودا. «الجير» مەموريالدىق كەشەنى توتاليتاريزم كەزىندەگى ساياسي قۋعىن- سۇرگىن قۇرباندارىنا ەستەلىك رەتىندە اقمولا وبلىسىندا تۇرعىزىلعان. بۇل جەردە 1937-1939 -جىلدار ارالىعىندا قۋعىن- سۇرگىنگە ۇشىراعان كەڭەس وداعىنىڭ شەت- شەتىنەن جينالعان جازىقسىز 18 مىڭ ايەل مەن بالالاردىڭ ەستەلىگى جاتىر.
ايتا كەتۋ كەرەك، الماز دۇيسەبايەۆتىڭ بارلىق جوبالارىن قوعام جىلى قابىلداپ، جاقسى پىكىر ايتقان.