تەرروريزمنەن زارداپ شەككەن بالالارعا كومەك بويىنشا قازاقستان ساياساتى ب ۇ ۇ- دا تالقىلاندى
بىرىككەن ۇلتتار ۇيىمىنىڭ قىلمىستىڭ الدىن الۋ جانە قىلمىستىق سوت تورەلىگى جونىندەگى 14-كونگرەسى (كيوتو، جاپونيا) اياسىندا ب ۇ ۇ ەسىرتكى جانە قىلمىس باسقارماسىنىڭ (ە ق ب) ۇيىمداستىرۋىمەن تەرروريزم جانە ەكسترەميزمنەن زارداپ شەككەن بالالاردىڭ احۋالى تاقىرىبىندا ارنايى ءىس-شارا ءوتتى.
بۇل سەسسياعا قازاقستان سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى تالعات قاليەۆ قاتىستى.
ت. قاليەۆ ەلىمىزدىڭ «جۋسان» جانە «رۋسافا» گۋمانيتارلىق وپەراتسيالارى شەڭبەرىندە بالالاردى سيريا جانە يراكتان ەلگە قايتارۋ تاجىريبەسىن بايانداپ بەردى.
كەزەكتى وپەراتسيانىڭ قورىتىندىسى بويىنشا بيىلعى اقپان ايىنىڭ باسىندا تاعى 7 بالا وتانعا ورالعانى بەلگىلى.
«قازىرگى تاڭدا ەلىمىزدىڭ مەملەكەتتىك ورگاندارى ءاربىر بالا ءۇشىن جەكە-جەكە ازىرلەنگەن پسيحولوگيالىق جانە ءبىلىم الۋ باعدارلامالارى شەڭبەرىندە كەشەندى كومەك كورسەتۋدى جالعاستىرىپ وتىر»، - دەپ مالىمدەدى ول.
وسىعان وراي ب ۇ ۇ ە ق ب جانە باسقا حالىقارالىق سەرىكتەستەرىمىزگە قازاقستاندىق بالالاردى وڭالتۋ جانە قايتا بەيىمدەۋ سالاسىندا كورسەتىپ وتىرعان جاردەمى ءۇشىن ريزاشىلىق، سونداي-اق ودان ءارى بۇل سالاداعى تاجىريبەمەن الماسۋعا دايىندىق ءبىلدىرىلدى.
«ب ۇ ۇ ە ق ب وكىلدەرى قازاقستان تاياۋ شىعىستاعى اسكەري قاقتىعىس ايماقتارىندا قالىپ قالعان بالالاردى قايتارۋ جانە رەينتەگراتسيالاۋ ىسىندە الەمدەگى كوشباسشىلاردىڭ قاتارىندا ەكەنىن اتاپ ءوتتى. سونىمەن قاتار، ءىس-شارا بارىسىندا كامەلەتكە تولماعانداردى تەرروريستىك جانە ەكستەرميستىك ءىس-ارەكەتكە تارتۋدىڭ الدىن الۋ جانە وعان قارسى تۇرۋعا باعىتتالعان ەۋروپالىق وداق، جاپونيا، يندونەزيا، يراك جانە نيگەريانىڭ باستامالارى تالقىلاندى»، - دەپ ءمالىم ەتتى ق ر سىرتقى ىستەر مينيسترلىگىنەن.