الەمدە اقشانىڭ قۇنسىزدانۋى جەدەلدەي تۇسۋدە - ۇلتتىق بانك ءتوراعاسى

نۇر-سۇلتان. قازاقپارات - الەمدە ينفلياتسيا جەدەلدەي تۇسۋدە. بۇل تۋرالى بۇگىن ۇكىمەت وتىرىسىندا ق ر ۇلتتىق بانك ءتوراعاسى ەربولات دوسايەۆ ايتتى، دەپ حابارلايدى قازاقپارات ءتىلشىسى.

«ىنتالاندىرۋشى فيسكالدىق جانە مونەتارلىق شارالار ناتيجەسىندە الەمدەگى ينفلياتسيا مەن ينفلياتسيالىق كۇتۋلەر جەدەلدەي تۇسۋدە. ا ق ش- تا ينفلياتسيا بيىلعى جىلعى قاڭتاردا 1,4 پايىزعا جەتىپ، 2020 -جىلعى ماۋسىمنان باستاپ بىرتىندەپ وسۋدە. سونىمەن بىرگە، ەۋرووداقتا 2021 -جىلدىڭ باسىندا باعانىڭ كۇرت ءوسۋى بايقالادى. ناتيجەسىندە ينفلياتسيا وتكەن جىلعى جەلتوقسانداعى 0,2 پايىزدان بيىلعى قاڭتاردا 1,2 پايىزعا دەيىن ءوستى»، - دەدى 2021 -جىلدىڭ قاڭتار- اقپانىندا ەلدىڭ الەۋمەتتىك- ەكونوميكالىق دامۋى جايىندا بايانداعان ەربولات دوسايەۆ.

وسى رەتتە ۇلتتىق بانك ءتوراعاسى الەم دەرجاۆالارىنىڭ ورتالىق بانكتەرى قازىرگى ۋاقىتتا ەڭبەك نارىعىنىڭ جاي- كۇيىن ەسكەرە وتىرىپ، ىنتالاندىرۋشى ساياسات باعىتىن راستاي باستاعاندىعىن ايتادى. «مۇنداي جاعدايدا قازاقستاننىڭ نەگىزگى ساۋدا ارىپتەستەرىن قوسا العاندا، دامۋشى ەلدەردەگى ورتالىق بانكتەر دامىعان ەلدەردەگى اقشا- كرەديت ساياساتىن ەرتە قالىپقا كەلتىرۋ جانە ينفلياتسيالىق تاۋەكەلدەردىڭ ءوسۋ مۇمكىندىگىن ەسكەرە وتىرىپ، بەيتاراپ اقشا- كرەديت ساياساتىنا ىقتيمال كوشۋگە دايىندالا باستاۋدا. وسى جىلعى اقپاندا رەسەيدەگى ينفلياتسيا 4 پايىزدىق تارگەت كەزىندە 5,7 پايىزعا جەتتى»، - دەدى ول.

اۆتور: مارلان جيەمباي