«ت ۆ+» - جاڭا بۋىننىڭ تەلەۆيزيالىق حابار تاراتۋ قىزمەتى تانىستىرىلدى
بۇل جوبا ءاربىر قازاقستاندىق ءۇشىن ءوز ۇيلەرىندەگى ەفيردى باسقارۋعا جانە ءبىر ۋاقىتتا بىرنەشە گادجەتتەن ءارتۇرلى باعدارلامالاردى كورۋگە مۇمكىندىك بەرەدى، دەپ حابارلايدى قازاقپارات ءتىلشىسى.
«قازاقتەلەكومنىڭ» «ت ۆ+» تەلەۆيزيالىق پلاتفورماسى جاڭا زاماناۋي IPTV/OTT گيبريدتى كەشەنى نەگىزىندە قۇرىلعان. بۇل ەكى ستاندارت - IPTV جانە OTT ءوزارا بولەك قولدانعان كەزدە دە بىرەگەي ساپالى ۇسىنىستاردىڭ شوقتىعىن ۇسىناتىن جۇيە. ال ولاردىڭ ءبىر الاڭدا توپتاسۋى ابونەنتكە وزىندىك، بىرەگەي جانە وڭتايلى تەلەۆيزيالىق پاكەتتى «ءوز قولىمەن» قۇرۋعا مۇمكىندىك بەرەتىن مۇلدەم جاڭا تەحنولوگياعا اينالادى.
«قازاقتەلەكوم» ا ق باسقارما ءتوراعاسى قۋانىشبەك ەسەكەيەۆتىڭ ايتۋىنشا، ەلىمىزدە تانىمال، ينتەراكتيۆتى ت ۆ- الاڭىنىڭ پايدا بولۋى قازاقستاندىق كونتەنتتىڭ دامۋىنا سەرپىن بەرەدى. « ءبىزدىڭ تەلەۆيزيالىق پلاتفورما اياسىنا «قازاقستاندا جاسالعان» اتتى كەڭ كولەمدى كىتاپحانا قورى كىرەدى. بۇل جەردە «قازاقتەلەكومنىڭ» «ت ۆ+» جوباسى ءۇشىن ارنايى جاسالعان قازاقستاندىق فيلمدەر مەن باعدارلامالاردىڭ جيىنتىعى قامتىلعان.
«قازاقستاندا جاسالعان» كىتاپحاناسىنىڭ تۇراقتى تۇردە كەڭەيىپ تۇرۋى ءۇشىن بارلىق مۇمكىندىكتى جاسايمىز. ىڭعايلى جانە تانىمال تەلەۆيزيالىق پلاتفورمانى قۇرا وتىرىپ، وتاندىق اكتەرلەر، بلوگەرلەر، جۋرناليستەر مەن پۋبليتسيستەردىڭ جوبالارى ءۇشىن تۇراقتى الاڭ ۇسىنامىز»، - دەدى قۋانىشبەك ەسەكەيەۆ.
ال «قازاقتەلەكوم» ا ق بولشەك بيزنەس ءبولىمىنىڭ باس ديرەكتورى يگور پوگرەبيسكي جاڭا ءونىمنىڭ تەحنيكالىق مۇمكىندىكتەرىن تانىستىردى. ونىڭ ايتۋىنشا، ءداستۇرلى قىزمەتتەردەن ايىرماشىلىعى، TV+ ءبىرقاتار ەرەكشە ارتىقشىلىقتارعا يە. ولاردىڭ باستىسى - كورەرمەننىڭ ەفيردى ءوز بەتىنشە باسقارا الۋ قابىلەتى: مىسالى، ەكران الدىنان كەتۋ كەرەك بولسا، بەينەماگنيتوفون پرينتسيپى سەكىلدى، فيلمنىڭ باسىنا نەمەسە ارتىنا اينالدىرۋ مۇمكىندىكتەرى بولادى.
ەكىنشى ماڭىزدى ارتىقشىلىعى - تەلەديدار كورۋگە بولاتىن گادجەتتى تاڭداۋ مۇمكىندىگى: ءارقاشان قولدا بولاتىن سمارتفوننان، پلانشەتتەن نەمەسە Smart TV فۋنكسياسى بار تەلەديداردان كورۋ مۇمكىندىگى بار. ەڭ باستىسى، ۇيدە ينتەرنەت بايلانىسى بولۋى كەرەك جانە وسى ءبىر سيگنال كوزى ءۇي شارۋاشىلىعىنا ءارتۇرلى گادجەتتەردەگى بىرنەشە باعدارلامانى ءبىر ۋاقىتتا كورۋگە مۇمكىندىك بەرەدى.
«ت ۆ+» جوباسى ارنانىڭ تەلەديدارلىق باعدارلاماسىنا ەمەس، كورەرمەن قاجەتتىلىگىنە ساي بەيىمدەلەدى. سونىمەن قاتار، ەگەر پايدالانۋشىنىڭ تەلەديدارى ەسكى ۇلگى بولسا دا، STB پريستاۆكاسىن پايدالانۋ ارقىلى ساپالى مازمۇن تاماشالاۋعا بولادى. كورەرمەن بەينەنى قايدا قاراپ وتىرسا دا، ساپا ءارقاشان ەڭ جاقسى دەڭگەيدە قالادى. نەگىزگى بەتتە كورەرمەنگە رەيتينگ كوشباسشىلارى مەن پروكاتتاعى جاڭا توپتامالار كورسەتىلگەن تۇسىنىكتى ءارى ناقتى ۇسىنىستار پاراعى ۇسىنىلادى. كونتەنت تاڭداۋ بويىنشا ۇسىنىستار جانر بويىنشا بەرىلەدى جانە ىڭعايلى ناۆيگاتسيا مەن ويلاستىرىلعان ديزايننىڭ كومەگىمەن ول وزىنە قىزىعۋشىلىق تۋدىراتىن مازمۇندى وڭاي تاڭداپ، كورە باستايدى. تاعى ءبىر ارتىقشىلىق: «ت ۆ+» كاتالوگتا سوڭعى 7 كۇندەگى تەلەديدار باعدارلامالارىنىڭ مۇراعاتىن، سونىمەن قاتار شولۋ تاريحىنداعى قارالعان كونتەنتتى ساقتايدى. قۇرىلعىنى قوسقان كەزدە جۇيە ۇزىلگەن ساتتە توقتاپ قالعان بەينەنى قايتا قاراۋعا ۇسىنىس جاسايدى»، - دەدى ول.
اۆتور: مارلان جيەمباي