بوكسشى ادىلبەك نيازىمبەتوۆ جاڭا قىزمەتكە تاعايىندالدى

اقتاۋ. قازاقپارات - تانىمال بوكسشى، وليمپيادا ويىندارىنىڭ كۇمىس جۇلدەگەرى ادىلبەك نيازىمبەتوۆ ماڭعىستاۋ وبلىسىنىڭ دەنە شىنىقتىرۋ جانە سپورت باسقارماسىنا قاراستى «شوقىر بولتەك ۇلى اتىنداعى ماڭعىستاۋ وبلىستىق جوعارى سپورت جەتىستىكتەرى مەكتەبى» ك م م ديرەكتورى لاۋازىمىنا تاعايىندالدى، دەپ حابارلايدى قازاقپارات ءتىلشىسى.

ادىلبەك ءسابيت ۇلى 2014 - 2018 ج. ج ماڭعىستاۋ وبلىسىنىڭ دەنە شىنىقتىرۋ جانە سپورت باسقارماسىنىڭ «ماڭعىستاۋ بوكس كلۋبى» مققق سپورتشى- نۇسقاۋشىسى بولىپ ىستەگەن.

2019 - 2020 ج. ج نۇر- سۇلتان قالاسى وليمپيادا ورتالىعىندا ادىسكەر؛

2020 -جىلدان باستاپ، وسى ۋاقىتقا دەيىن ماڭعىستاۋ وبلىسىنىڭ دەنە شىنىقتىرۋ جانە سپورت باسقارماسىنا قاراستى ش. بولتەك ۇلى اتىنداعى مو جوعارى سپورت شەبەرلىگى مەكتەبى ديرەكتورىنىڭ ورىنباسارى قىزمەتىن اتقارىپ كەلەدى.

جەتىستىكتەرى مەن مەملەكەتتىك ناگرادالارى:

- 2011 -جىلى قازاقستان رەسپۋبليكاسىنىڭ ەڭبەگى سىڭىرگەن سپورت شەبەرى

- 2012 -جىلى جازعى وليمپيادا ويىندارىنىڭ كۇمىس جۇلدەگەرى (لوندون، ۇلى بريتانيا)

-2012 -جىلى قۇرمەت وردەنىمەن ماراپاتتالعان

-2014 -جىلى ازيا ويىندارىنىڭ چەمپيونى (ينحون/كورەيا)

-2015 -جىلى ازيا چەمپيونى (بانگكوك/ تايلاند )

-2016 -جىلى جازعى وليمپيادا ويىندارىنىڭ كۇمىس جۇلدەگەرى (ريو دە جانەيرو/ برازيليا)

-2016 -جىلى «بارىس» وردەنىمەن ماراپاتتالعان

-2016 -جىلى «دارىن» سىيلىعىنىڭ لاۋرەاتى