«بۇگىندە ۆيرۋس جۇقتىرعاندار كوبىنەسە بىرىككەن اراب امىرلىكتەرى ەلىنەن كەلگەندەر اراسىندا تىركەلىپ جاتىر. ەكىنشى ورىندا تۇركيا، ەگيپەت، ودان كەيىن ۋكراينا، بەلارۋس ەلدەرىنەن كەلگەندەر اراسىندا تىركەلەدى»، - دەدى اسەل قالىقوۆا.
سونىمەن قاتار، ونىڭ ايتۋىنشا، پ ت ر تەست جاساتپاي كەلەتىن جولاۋشىلار سانى ارتقان. 6-8- ناۋرىز ارالىعىندا پ ت ر تالداۋىنسىز 700 جولاۋشى كەلگەن.
«كەشە پ ت ر تالداۋىنسىز 56 جولاۋشى كەلگەن»، - دەدى سپيكەر.
ونىڭ ايتۋىنشا، كوروناۆيرۋس كوبىنەسە قوعامدىق كولىكتەن، وتباسىلىق قاتىناستان، ساۋدا ورىندارىنان جۇعىپ جاتىر.
سپيكەر مۇنىڭ الدىندا ۆيرۋس جۇقتىرۋ كورسەتكىشى نەگە ارتىپ جاتقانىن تۇسىندىرگەن بولاتىن. اسەل قالىقوۆا سونىمەن قاتار، كارانتين تالاپتارى كۇشەيتىلەتىنىن ايتتى.