پرەزيدەنتتىڭ تازى يتتەرى تۋرالى اقپارات جاريالاندى
اقوردا باسپا ءسوز قىزمەتى سيرەك تۇقىمدى ءيتتىڭ شىنىمەن پرەزيدەنتكە تيەسىلى ەكەنىن راستادى. ولار ەكى جاستا ەكەنى انىقتالدى، - دەپ حابارلايدى Tengrinews.kz ءتىلشىسى.
«مەملەكەت باسشىسى وسى ءۇي جانۋارلارىن ەرەكشە جاقسى كورەدى. ول مۇنى ءبىزدىڭ ۇلتتىق قازىنامىز، ۇلى دالا مۇراسىنىڭ ماڭىزدى بولىگى دەپ ەسەپتەيدى. سوندىقتان وسى ەرەكشە تۇقىمدى ساقتاۋ ءۇشىن جان-جاقتى كۇش-جىگەر قاجەت. پرەزيدەنت مەملەكەت پەن جەكە تۇلعالار تاراپىنان تازىنىڭ گەندىك قورىن قولداۋعا باعىتتالعان بارلىق تالپىنىستى قولدايدى»، - دەپ حابارلادى توقايەۆتىڭ باسپا ءسوز قىزمەتى رەداكسيا تىلشىسىنە.
سۋرەتتەر حالىقارالىق ايەلدەر كۇنىندە جاريالانعان. جازبا سيپاتتاماسىندا: «كەرەمەت كۇن. تاڭەرتەڭگى سەرۋەن. كوكتەمنىڭ وسى تاماشا كۇنىندە مەملەكەت باسشىسى ايەلدەردى 8- ناۋرىز مەرەكەسىمەن قۇتتىقتادى» دەپ جازىلعان.
بۇعان دەيىن تازى تۇقىمداس يتتەر جويىلىپ بارا جاتقانى تۋرالى حابارلانعان ەدى. وتاندىق عالىمدار مەن كينولوگتار بۇكىل قازاقستاندا ونىڭ 150 دەن اسا باسى قالعانىن ايتتى. ساراپشىلار ەگەر بۇل ودان ءارى جالعاساتىن بولسا، جاقىن ارادا بۇكىل الەمدە جويىلىپ كەتۋى مۇمكىن دەپ قورقادى.