قىتايدا تۋريستەرگە ارنالعان حالىقارالىق «دەنساۋلىق ءتولقۇجاتى» رەسمي ەنگىزىلدى
حالىقارالىق دەنساۋلىق سەرتيفيكاتىنىڭ قىتايلىق نۇسقاسى - بۇل ەگجەي- تەگجەيلى مالىمەتى بار قۇجات. وندا نۋكلەين قىشقىلى مەن IgG انتيدەنەلەرىنە تاپسىرىلعان تەست قورىتىندىلارى جانە COVID-19 ۆيرۋسىنا قارسى ۆاكسينالاۋ ستاتۋسى كورسەتىلەدى. سەرتيفيكاتتىڭ راستىلىعىن تەكسەرۋ جانە تۋريست جايىندا مالىمەتتەرمەن تانىسۋ ءۇشىن شەتەلدىك مەملەكەتتەردىڭ كەز كەلگەن ۆەدومستۆوسى QR- كودتى سكانەرلەيتىن بولادى. دەنساۋلىق سەرتيفيكاتىن ەلەكتروندىق نۇسقادا سمارتفونمەن كورسەتۋگە بولادى. سونداي- اق ونى قاعازعا باسىپ شىعارىپ، بىرگە الىپ جۇرۋگە رۇقسات.
«ەپيدەميولوگيالىق جاعدايدىڭ تۇراقتالىپ، پاندەميادان كەيىنگى ۋاقىتتا حالىقارالىق قىزمەتكەرلەر الماسۋدا دەنساۋلىق فاكتورىنىڭ ماڭىزدىلىعى ەرەكشە بايقالاتىن بولادى. الداعى تاياۋ بولاشاقتا الەم ەلدەرىندە دەنساۋلىق سەرتيفيكاتتارىن ءوزارا تانۋ ءۇردىسىنىڭ ارتۋىنا قاراي، «تۋريزم ءۇشىن حالىقارالىق دەنساۋلىق سەرتيفيكاتىنىڭ» قىتايلىق نۇسقاسى ءتۇرلى ەلدەر ادامدارىنىڭ سالاۋاتتى ءارى قاۋىپسىز ارالاسۋىنا سەپتىگىن تيگىزەتىن بولادى»، - دەلىنگەن ق ح ر س ءى م كونسۋلدىق قىزمەت دەپارتامەنتىنىڭ WeChat-تاعى مالىمدەمەسىندە.
اۆتور: زارينا تۋعانبايەۆا