قىتاي «ءبىر بەلدەۋ - ءبىر جول» باستاماسىنىڭ ارىپتەس ەلدەرىنە جاڭا مۇمكىندىك ۇسىنادى – ق ح ر س ءى م باسشىسى

بەيجىڭ. قازاقپارات - قىتاي «ءبىر بەلدەۋ - ءبىر جول» («ب ب- ب ج» ) باستاماسى اياسىندا ارىپتەس ەلدەرگە جاڭا مۇمكىندىكتەر اشادى.

بۇل تۋرالى جەكسەنبىدە بەيجىڭدە ق ح ر سىرتقى ىستەر ءمينيسترى ۆان ي جالپىقىتايلىق حالىق وكىلدەرى جينالىسىنىڭ 13-شاقىرۋىنىڭ 4-سەسسياسىندا مالىمدەدى، دەپ حابارلايدى قازاقپاراتتىڭ مەنشىكتى ءتىلشىسى وقيعا ورنىنان.

ق ح ر س ءى م باسشىسىنىڭ ايتۋىنشا، قىتاي «ب ب- ب ج» اياسىنداعى حالىقارالىق ىنتىماقتاستىقتى ءارى قاراي دامىتۋدى جانە «بەلدەۋ مەن جولدىڭ» ارىپتەس ەلدەرى ءۇشىن جاڭا مۇمكىندىكتەردى اشۋدى» كوزدەپ وتىر. «ب ب- ج ج» قۇرىلىسىن ساپالى جۇرگىزۋ ماقساتىندا ءبىز بارلىق تاراپتارمەن جۇمىس جاساۋعا دايىنبىز»، - دەپ ءمالىم ەتتى مينيستر.

ۆان ي قىتايدىڭ ارىپتەس ەلدەرمەن بىرگە «ساندىق جىبەك جولى»، «سالاۋاتتى جىبەك جولى» جانە «جاسىل جىبەك جولى» سالاسىنداعى ىنتىماقتاستىقتى نىعايتۋعا نيەتتى ەكەندىگىن ءبىلدىردى. 14 بەسجىلدىقتىڭ (2021-2025 ج ج.) نەگىزگى مىندەتتەرىنىڭ ءبىرى - اشىق ءتيپتى ەكونوميكانىڭ جاڭا جۇيەسىن قۇرۋ، «ب ب- ب ج» باستاماسىنىڭ جۇزەگە اسىرىلۋى اياسىنداعى جوعارى ساپالى دامۋعا ىقپالداسۋ. كەلەسى بەسجىلدىقتا «ب ب- ب ج» اياسىندا قىتاي بيلىگى «ساندىق جىبەك جولى»، «سالاۋاتتى جىبەك جولى» جانە «جاسىل جىبەك جولى» قۇرىلىستارىن جۇزەگە اسىرۋعا، ق ح ر دامىتۋ باعدارلامالارىن جەتەكشى ەلدەر مەن وڭىرلەردىڭ ۇقساس باعدارلامالارىمەن تۇيىندەستىرۋگە جانە وندىرىستىك قۋات سالاسىنداعى سەرىكتەستىكتى نىعايتۋعا نيەت ءبىلدىرىپ وتىر.

سونىمەن قاتار قىتاي بيلىگى «ب ب- ب ج» اياسىندا ەلەكتروندى كوممەرتسيانىڭ دامۋىنداعى ارىپتەستىكتى كەڭەيتۋدى، «قىتاي- ەۋروپالىق ەكسپرەسس» دامۋىندا تەمىر جولدار مەن وتكىزۋ پۋنكتەرىنىڭ وتكىزۋ مۇمكىندىكتەرىن ارتتىرۋدى جانە شەتەلدىك قويمالار مەن ءبولۋ ورتالىقتارىنىڭ قۇرىلىسىنا كۇش جۇمساۋدى ماقسات ەتەدى.

اۆتورى: رۋسلان سۇلەيمەنوۆ