ينتەرپولدىڭ 3-ناۋرىزداعى ەسەبىندە وڭتۇستىك افريكا پوليتسياسى جالعان ۆاكسينالار جاسايتىن جەلىنى جويعانى ايتىلعان. وڭتۇستىك افريكا پوليتسياسى جاقىندا سول ەلدىڭ گاۋتەنگ پروۆينسياسىنداعى قويمادان كوروناۆيرۋسقا قارسى 2400 دوزا جالعان ۆاكسينا مەن جالعان 3M ماسكالاردىڭ تاركىلەنگەنىن جانە سول جەردە 3 قىتاي ازاماتى مەن 1 زامبيالىقتىڭ تۇتقىندالعانىن حابارلادى. سونىمەن قاتار، قىتاي پوليتسياسى وسى جىلدىڭ اقپان ايىندا زاۋىتتا جالعان ۆاكسينالار جاسادى دەگەن كۇدىكپەن 80 ادامدى ۇستادى جانە كەم دەگەندە 3000 دوزا ۆاكسينا تاركىلەدى. قىتايدىڭ قوعامدىق قاۋىپسىزدىك مينيسترلىگىنىڭ وكىلى قۇقىق قورعاۋ ورگاندارىنىڭ ءتيىستى شارالارى ۆاكسينامەن بايلانىستى قىلمىستارمەن كۇرەسۋگە باعىتتالعانىن جانە وسىعان ۇقساس قىلمىستاردىڭ الدىن الۋ ءۇشىن ينتەرپولمەن جانە باسقا ەلدەردەگى پوليتسيامەن ىنتىماقتاستىق ورناتىلعانىن مالىمدەدى.
ينتەرپولدىڭ باس حاتشىسى يۋرگەن ستوك بۇل ۆاكسينامەن بايلانىستى قىلمىستاردىڭ باسى، شاعىن ءبىر بولىگى عانا دەپ سانايدى. وتكەن جىلدىڭ جەلتوقسان ايىندا ۇيىم 194 مۇشە مەملەكەتكە جالعان ۆاكسينالاردان ساق بولۋ تۋرالى ەسكەرتۋ جاساپ، جالعان مەديتسينالىق زاتتاردى قالاي اجىراتۋ كەرەك دەگەن باعىتتا كەڭەس بەرگەن. ينتەرپول حابارلاماسىندا ينتەرنەتتە ساتىلاتىن ۆاكسينالار زاڭدى ءونىم بولماۋى جانە سىناقتان وتپەۋى مۇمكىن ەكەنى باسا ايتىلادى. جالعان ۆاكسينالاردى قولدانۋ ومىرگە قاۋىپ ءتوندىرۋى مۇمكىن.
اۆتور: مۇحتار مۇرات