سارىاعاشتا حالىقارالىق ىزدەۋدە جۇرگەن قىلمىسكەر ۇستالدى

سارىاعاش. قازاقپارات- تۇركىستان وبلىسى سارىاعاش اۋدانىندا حالىقارالىق ىزدەۋدە جۇرگەن قىلمىسكەر ۇستالدى.

ول وتكەن جىلى مال ۇرلىعىن جاساپ، جاسىرىنىپ جۇرگەن، دەپ حابارلايدى قازاقپارات ءتىلشىسى.

وبلىستىق پ د باسپا ءسوز قىزمەتىنىڭ مالىمەتىنشە، كۇدىكتى «مال ۇرىسى» جەدەل-پروفيلاكتيكالىق ءىس-شاراسىن وتكىزۋ بارىسىندا قولعا تۇسكەن. سونداي-اق، سارىاعاشتىق پوليتسەيلەر مال ۇرلىعىن جاساعان مال سويۋشى مەن مال ساتىپ الۋشى ساناتىندا تۇرعان 5 ادامدى ۇستاعان.

اۋدان كولەمىندە مال ۇرلىقتارىن بولدىرماۋ ماقساتىندا تۇنگى ۋاقىتتا پوليتسەيلەردەن جەدەل ءموبيلدى توپتار قۇرىلعان. ناتيجەسىندە قالا شەتىندەگى 120 مال قورا تەكسەرىلىپ، مال تاسىمالداۋمەن اينالىساتىن 15 اۆتوكولىك قارالعان.

«4 اۆتوكولىكتىڭ مالدى قۇجاتسىز تاسىمالداعانى ءۇشىن ق ر ا ق ب ت ك 406-بابىمەن اكىمشىلىك شارا قولدانۋ ماقساتىندا اۋداندىق ۆەتەريناريالىق قىزمەتكە جولداندى. بۇدان بولەك، «مال ۇرىسى» جەدەل-پروفيلاكتيكالىق ءىس-شاراسى اياسىندا تۇركىستان وبلىسىنىڭ پوليتسەيلەرى مال ۇرلىعى تۋرالى ءتۇسىندىرۋ جۇمىسىن جۇرگىزۋدە» دەلىنگەن حابارلامادا.