بيىل اگروونەركاسىپتىك كەشەندى دامىتۋ جونىندەگى ۇلتتىق جوبا قابىلدانادى - ۇكىمەت باسشىسى
«بيىل اگروونەركاسىپتىك كەشەندى دامىتۋ جونىندەگى ۇلتتىق جوبا قابىلداناتىن بولادى. وعان بۇگىن ايتىلعان مىندەتتەر مەن ولاردى ىسكە اسىرۋ شارالاردى ەنگىزۋ كەرەك. بۇل رەتتە شوعىرلاندىرىلعان ۇسىنىستاردى ازىرلەۋ ءۇشىن وسى جوبانى اۋىل شارۋاشىلىعى سۋبەكتىلەرىمەن تالقىلاۋدى وتكىزۋ قاجەت. اۋىل شارۋاشىلىعى مينيسترلىگىنە اتالعان جۇمىستى بيىلعى جىلى ناۋرىز ايىنىڭ سوڭىنا دەيىن اياقتاۋدى جانە ۇكىمەتتە ۇلتتىق جوبا تۇجىرىم- داماسىنىڭ تانىستىرىلىمىن وتكىزۋدى تاپسىرامىن»، - دەدى ۇكىمەت باسشىسى.
وسى رەتتە پرەمەر- مينيستر قويىلعان ماقساتتاردى ءتيىمدى ىسكە اسىرۋ بىلىكتى كادرلاردىڭ بولۋىن تالاپ ەتەتىندىگىن باسا ايتتى.
«سالادا، اسىرەسە ۆەتەريناريالىق- فيتوسانيتاريالىق قىزمەتتەردە ماماندار تاپشى، مۇنى تاجىريبە كورسەتىپ وتىر. اۋىل شارۋاشىلىعى مينيسترلىگىنە ءبىلىم مينيسترلىگىمەن بىرلەسىپ، اگرارلىق عىلىم مەن ءبىلىمدى دامىتۋ جونىندەگى باعدارلامانى ازىرلەۋ، اگرارلىق جوعارى وقۋ ورىندارىندارىنىڭ تۇلەكتەرىن جۇمىسقا ورنالاستىرۋ، سونداي- اق اگروونەركاسىپتىك كەشەن جۇمىسكەرلەرىنىڭ كاسىبي بىلىكتىلىگى دامىتۋ بويىنشا ۇسىنىستار ەنگىزۋدى تاپسىرامىن»، - دەدى اسقار مامين.