قازاقستاندا زەينەتكەرلىككە شىعۋ جاسى تومەندەي مە

نۇر-سۇلتان. قازاقپارات - ەلىمىزدە الەۋمەتتىك كودەكس تۇجىرىمداماسىنىڭ جوباسى ازىرلەنىپ جاتىر.

بۇل تۋرالى ءماجىلىس دەپۋتاتتارىنىڭ ساۋالىنا ق ر پرەمەر-ءمينيسترى اسقار ماميننىڭ جاۋابىندا ايتىلعان، دەپ حابارلايدى قازاقپارات ءتىلشىسى.

قازىرگى ۋاقىتتا زەينەتاقىمەن قامسىزداندىرۋدىڭ بارلىق ءۇش دەڭگەيى (ىنتىماقتى، بازالىق جانە جيناقتاۋشى زەينەتاقى) ەڭبەك وتىلىنە بايلانىستى. بۇل رەتتە ىنتىماقتى زەينەتاقىنىڭ مولشەرى بىرتىندەپ تومەندەيدى. ويتكەنى، ونى تاعايىنداۋ بارىسىندا تەك 1998 -جىلدىڭ 1-قاڭتارىنا، ياعني جيناقتاۋشى جۇيە ەنگىزىلگەنگە دەيىنگى ەڭبەك ءوتىلى ەسەپكە الىنادى. ىنتىماقتى زەينەتاقىنىڭ تومەندەيتىن مولشەرى مىندەتتى زەينەتاقى جارناسىن اۋدارۋ كەزەڭىنىڭ ارتۋى ەسەبىنەن زەينەتاقىنىڭ جيناقتاۋشى بولىگىنىڭ ارتۋى ەسەبىنەن وتەلۋى ءتيىس»، - دەدى اسقار مامين.

ۇكىمەت باسشىسىنىڭ ايتۋىنشا، بازالىق زەينەتاقى زەينەت جاسىنا جەتكەن بارلىق تۇلعاعا زەينەتاقى جۇيەسىنە قاتىسۋ وتىلىنە بايلانىستى ەڭ تومەنگى كۇنكورىستىڭ 54 تەن 100 پايىزىنا دەيىنگى مولشەرىندە بەرىلەدى.

«دەمەك، ۇزاق جۇمىس ىستەگەن سايىن بازالىق زەينەتاقى مولشەرى دە جوعارى بولادى. زەينەتكەرلىككە ەرتە شىعۋ زەينەتاقى جارنالارىن اۋدارۋ كەزەڭىنىڭ ۇزاق بولماۋى بايلانىستى قارتايعاندا جەتكىلىكتى زەينەتاقى تولەمىن الۋ ءۇشىن زەينەتاقى جيناعىنىڭ جەتكىلىكتى كولەمىن جيناۋعا مۇمكىندىك بەرمەيدى. سونىمەن قاتار بۇل بازالىق زەينەتاقىنىڭ دا مولشەرىنە اسەر ەتەدى»، - دەدى پرەمەر-مينيستر.

اۆتور: مارلان جيەمباي