«وتباسى بانكى» بازاسىندا تۇرعىن ۇيمەن قامتاماسىز ەتۋ ورتالىعى قۇرىلادى
بۇل تۋرالى ۇكىمەت وتىرىسىندا تۇرعىن ءۇي ساياساتىنىڭ جاڭا تاسىلدەرىن جاريالاعان ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتتى، دەپ حابارلايدى قازاقپارات ءتىلشىسى.
«كەزەك ماسەلەسىن شەشۋ ءۇشىن مەملەكەت باسشىسى جەرگىلىكتى اتقارۋشى ورگاندارداعى تۇرعىن ءۇي كەزەكتىلىگىن بەرە وتىرىپ، «قازاقستاننىڭ تۇرعىن ءۇي قۇرىلىس جيناق بانكى» نەگىزىندە تولىققاندى دامۋ جانە قولداۋ ينستيتۋتى رەتىندە «وتباسى بانك» قۇرۋدى تاپسىرعان بولاتىن. «وتباسى بانكى» جۇمىسىنىڭ نەگىزگى قاعيداتى ەڭ الدىمەن، حالىقتىڭ الەۋمەتتىك وسال توپتارى ءۇشىن باسپانانىڭ قولجەتىمدىلىگىن ارتتىرۋعا باعىتتالادى»، - دەدى مينيستر.
ونىڭ ايتۋىنشا، «وتباسى بانكى» بازاسىندا «تۇرعىن ۇيمەن قامتاماسىز ەتۋ جونىندەگى ورتالىق» قۇرىلادى.
«ول ۇيگە مۇقتاج جانداردى ەسەپكە الادى. سونداي-اق، قولجەتىمدىلىك ساتىسىنا سايكەس تۇرعىن ءۇيدى كەزەككە قويىلعان كۇنى بويىنشا بولەدى. «تۇرعىن ۇيمەن قامتاماسىز ەتۋ جونىندەگى ورتالىق» بازاسى جەكە تۇلعالاردىڭ مەملەكەتتىك دەرەكقورلارىمەن ينتەگراتسيالانادى. بازاعا دەرەكتى قايتا ەنگىزۋگە جول بەرىلمەيدى. ازاماتتار مەملەكەتتىك باعدارلامالارعا ءبىر رەت قانا قاتىسا الادى»، - دەدى بەيبىت اتامقۇلوۆ.