بەردىبەك ساپاربايەۆ بەس بالانىڭ ولىمىنە سەبەپ بولعان ءورت وقيعاسى تۋرالى جازبا جاريالادى
قايعىلى وقيعا جونىندە ايماق باسشىسى Instagram جانە Facebook الەۋمەتتىك جەلىسىندەگى جەكە پاراقشاسىندا جازبا جايالادى. جازبادا وبلىس اكىمى اۋىر جاعدايعا قابىرعاسىنىڭ قايىسقاندىعىن، مارقۇمداردىڭ جاقىندارىنا كوڭىل ايتاتىندىعىن جەتكىزگەن. سونداي- اق، ب. ساپاربايەۆ ماسەلەنى جەكە باقىلاۋىنا العاندىعىن جانە وقيعانىڭ ءمان- جايى زەردەلەنۋدە ەكەندىگىن ءمالىم ەتتى.
«بۇگىن بۇكىل ەلدى ەسەڭگىرەتكەن قايعىلى وقيعا بولدى. جاڭاتاستاعى ۇيلەردىڭ بىرىنەن ءورت شىعىپ، بەس بىردەي بەيكۇنا بالا اجال قۇشتى. وقيعانىڭ ءمان- جايىن انىقتاۋ ءۇشىن وبلىس اكىمىنىڭ ورىنباسارى ۇلان جازىلبەكتىڭ توراعالىعىمەن ارنايى كوميسسيا قۇرىلدى. وقيعا ورنىنا وبلىس پروكۋرورى ن. ءابدىروۆ، پوليتسيا دەپارتامەنتىنىڭ باسشىسى ج. سۇلەيمەنوۆ، ت ج د باسشىسى ە. مومبايەۆ اتتاندى. قارا جامىلعان وتباسىعا قاجەتتى پسيحولوگيالىق، ماتەريالدىق كومەك كورسەتىلۋدە. ماسەلە مەنىڭ جەكە باقىلاۋىمدا. كوز جۇمعان بالالاردىڭ جاقىندارىنا اللا تاعالا سابىر بەرسىن. قايعىلارىنا ورتاقتاسىپ كوڭىل ايتامىن!»، - دەلىنگەن اكىمنىڭ جازباسىندا.
وسىعان دەيىن جامبىل وبلىسى سارىسۋ اۋدانى جاڭاتاس قالاسىنداعى 2 ىقشاماۋدانداعى 5 قاباتتى تۇرعىن ۇيدەگى ورتتەن 5 بالانىڭ قازا بولعانى جازىلدى.
اۆتور: سايا سەمباي