ەكى قالادا نازاربايەۆ ۋنيۆەرسيتەتى ۇلگىسىندە وقۋ ورىندارى قۇرىلماق
«نازاربايەۆ ۋنيۆەرسيتەت جوعارى وقۋ ورنى رەتىندە قالىپتاسىپ، ءوزىنىڭ ناتيجەسىن كورسەتىپ وتىر. بۇل وقۋ ورنىنىڭ مودەلى ءوزىنىڭ تيىمدىلىگىن دالەلدەدى. وسىعان بايلانىستى نازاربايەۆ ۋنيۆەرسيتەتى تاجىريبەسىنە سۇيەنە وتىرىپ، پەتروپاۆل مەن شىمكەنت وسى تەكتەس جوعارى وقۋ ورىندارى بولادى دەگەن شەشىم شىعارىلدى»، - دەدى م. داۋلەنوۆ ورتالىق كوممۋنيكاتسيالار قىزمەتىندە.
ونىڭ ايتۋىنشا، بۇل ج و و- لار ءتيىستى دەربەستىگىمەن ەرەكشەلەنەتىنىن ايتتى. ولاردا دايىندىقتىڭ بىرنەشە باعىتى قامتىلادى، سونىڭ اراسىندا تەحنيكالىق ءارى گۋمانيتارلىق سالالار ەسكەرىلەدى.
«جوسپاردا وسى ج و و- لار ءۇشىن جەكە كورپۋستاردىڭ، جاتاقحانالاردىڭ قۇرىلىستارى قاراستىرىلعان. قازىرگى كەزدە سەرىكتەستەرمەن ستراتەگيا بويىنشا بەلسەندى جۇمىستاردى اتقارىپ جاتىرمىز. نازاربايەۆ ۋنيۆەرسيتەتىنىڭ مودەلىن تاراتامىز، ياعني ونى پەتروپاۆل مەن شىمكەنتتىڭ ۇلگىسىندە كورسەتەمىز»، - دەدى ۆيتسە- مينيستر.
ەسكە سالساق، جاقىندا ماجىلىستە «نۇر وتان» پارتياسىنىڭ سايلاۋ الدىنداعى مىندەتتەمەلەرىن ىسكە اسىرۋعا ارنالعان تالقىلاۋ كەزىندە پرەمەر- مينيستر اسقار مامين 2022 -جىلى نازاربايەۆ ۋنيۆەرسيتەتىنىڭ تاجىريبەسى بويىنشا پەتروپاۆل جانە شىمكەنت قالالارىندا 2 وزىق وڭىرلىك جوعارى وقۋ ورنى قۇرىلاتىنىن ايتتى.
اۆتور: رۋسلان عابباسوۆ