تانىمال ديزاينەردىڭ ولىمىنە قاتىستى سوت وتىرىسى ءوتىپ جاتىر

فوتو: None
الماتى. قازاقپارات - الماتىدا ديزاينەر ءسابيت Bisen-نىڭ ولىمىنە قاتىستى سوت وتىرىسى ءوتىپ جاتىر. پروكۋرور سوتتان ايىپتالۋشىنى كىنالى دەپ تانىپ، ونى 12 جىل باس بوستاندىعىنان ايىرۋدى سۇرادى، دەپ حابارلايدى قازاقپارات ءتىلشىسى.

ديزاينەردىڭ وتباسى ايىپتالۋشىنى 15 جىلعا قاماۋدى جانە 10 ميلليون تەڭگە مورالدىق شىعىن وتەۋدى سۇرادى. پروكۋروردىڭ سوزىنشە، ديزاينەردى ولتىرگەن س. دۇيسەنعالييەۆكە 99-باپتىڭ 1-بولىگى بويىنشا ايىپ تاعىلعان.

«مەن ايىپتالۋشىنىڭ كىناسى دالەلدەندى دەپ ەسەپتەيمىن. ونى كىنالى دەپ تانىپ، 12 -جىلعا باس بوستاندىعىنان ايىرۋدى سۇرايمىن»، - دەدى پروكۋرور.

ءوز كەزەگىندە، سوتتالۋشى ءسابيت Bisen-نىڭ جاقىدارىنان كەشىرىم سۇرادى.

«مەن وتباسىنىڭ كەشىرىم سۇرايمىن. ونى قاساقانا ءولتىرۋ مەنىڭ ويىمدا بولعان جوق»، - دەيدى سوتتالۋشى ساعىنىش دۇيسەنعاليەۆ.

ەسكە سالايىق، قازاقستاندىق ديزاينەر 2020 -جىلدىڭ كۇزىندە كىسى قولىنان قازا تاپتى. ايتا كەتەيىك، ءسابيت Bisen - تانىمال streetwear- برەندىنىڭ ديزاينەرى بولعان.

ونىڭ قازاسى تۋرالى دوستارى مەن ارىپتەستەرى الەۋمەتتىك جەلىدە حابارلاعان ەدى. ءىس الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قارالىپ جاتىر.

اۆتور: الما مۇقانوۆا