زەينەتاقى پلاتفورماسى: تاعى ءبىر جاڭا فۋنكسيا قوسىلدى
«سومانى وزگەرتۋ كەرەك پە؟ - وڭاي! قازىر enpf-otbasy.kz ونلاين-پلاتفورماسىنداعى جەكە كابينەتىڭىزدە مالىمدەلگەن زەينەتاقى تولەمىنىڭ مولشەرىن ازايتا الاسىز. مۇنى تەك يپوتەكاسىز ساتىپ الۋ ماقساتىن تاڭداعان كەزىندە جاساي الاسىز جانە تەك ءوز قاراجاتىڭىز ءۇشىن، ال جاقىن تۋىستارىڭىز تابىستاعان قاراجات سوماسىن وزگەرتۋگە بولمايدى»، - دەلىنگەن حابارلامادا.
بانك جاڭا فۋنكتسيانىڭ قالاي جۇمىس ىستەيىنىن بىلاي تۇسىندىرەدى.
مىسالى سىزدەر ب ج ز ق- دان بەلگىلى ءبىر سوماعا تاپسىرىس بەرىپ، كەيىن ارزانىراق پاتەر تاپتىڭىز. ەگەر ساتىپ الۋ-ساتۋ شارتىنا سايكەس ساتۋشىعا ب ز ت ەسەبىنەن تولەنەتىن سوما ءسىزدىڭ ارنايى شوتىڭىزداعى قاراجاتتان از بولسا، وندا قۇجاتتاردى (ساتىپ الۋ-ساتۋ شارتى جانە تىركەلگەن قۇقىقتار مەن اۋىرتپالىقتار تۋرالى انىقتاما) جۇكتەۋ كەزىندە ءسىز «شارت بويىنشا سوما» جولىنا ساتىپ الۋ-ساتۋ شارتىنداعى ناقتى سوماسىن جازىپ، سومانى وزگەرتە الاسىز.
مىسالى، ءسىزدىڭ ارنايى شوتىڭىزدا 7 ميلليون جانە تۋىسىڭىز تابىستاعان 5 ميلليون قاراجات بار. پاتەر 10 ميلليون تۇرادى. 4 ميلليون ءسىز ساتۋشىعا قولما-قول اقشامەن تولەدىڭىز، ال 6 ميلليون ب ز ت ەسەبىنەن تولەۋدى جوسپارلاپ وتىرسىز جانە بۇل شارتتا جازىلعان. شارت بويىنشا سوما بولىمىنە 6000000 سانىن ەنگىزۋ جانە «سومانى وزگەرتۋ» باتىرماسىن باسۋ قاجەت. ءسىزدىڭ ارنايى شوتىڭىزدا 1 ميلليون ءوز قاراجاتىڭىز جانە 5 ميلليون تۋىسىڭىز تابىستاعان قاراجات قالادى.
مىنالاردى ەسكەرۋ قاجەت: شارتتىڭ بۇكىل سوماسىن ەمەس، ساتۋشىعا اۋدارىلاتىن سومانى كورسەتىڭىز. ءسىزدىڭ ارنايى شوتىڭىزداعى قاراجاتتان جوعارى سومانى كورسەتۋ مۇمكىن ەمەس تۋىستار تابىستاعان قاراجات سوماسىن وزگەرتۋگە بولمايدى جاڭا مۇمكىندىك سىزدەرگە باسپانانى يپوتەكاسىز تولىق ساتىپ الۋ كەزىندە ناقتى سومانى ەنگىزۋگە مۇمكىندىك بەرەدى جانە ەگەر ءوزىڭىزدىڭ ءبىرجولعى زەينەتاقى تولەمدەرىڭىزدى ەكىنشى رەت پايدالانۋدى جوسپارلاعان بولساڭىز، ب ج ز ق- عا قاراجاتتى قايتارۋ ءۇشىن 45 كۇندى كۇتپەۋگە كومەكتەسەدى.
ايتا كەتسەك، ونلاين پلاتفورما ۇنەمى جاڭارتىلىپ وتىرادى. بۇعان دەيىن اتالعان پلاتفورمادا پاتەر ساتىپ الۋ نەمەسە زايمدى وتەۋگە ارنالعان قۇجاتتاردى جۇكتەگەنگە دەيىن ءبىر رەتتىك زەينەتاقى تولەمىن العان سوڭ وعان تۋىسىڭىز بەرگەن قاراجاتتى قوسۋ مۇمكىندىگى بەرىلگەن ەدى.
2021-جىلى 2- قاڭتاردا ق ر پرەزيدەنتى قاسىم-جومارت توقايەۆ زەينەتاقى جيناعىنىڭ ءبىر بولىگىن ماقساتتى پايدالانۋعا قاتىستى زاڭعا قول قويدى. قازاقستاندىقتاردىڭ زەينەتاقى جيناقتارىن پايدالانۋ ءۇشىن جاڭارتىلعان «جەتكىلىكتىلىك شەگى» جاريالاندى.
زەينەتاقى جيناعىنان الۋعا بولاتىن سوما ب ج ز ق سايتىندا اۆتوماتتى تۇردە كورسەتىلەدى. 23- قاڭتاردان قازاقستاندا زەينەتاقىنىڭ ءبىر بولىگىن الۋعا ءوتىنىم قابىلداۋ باستالدى. ارنايى پورتالدا زەينەتاقىنىڭ ءبىر بولىگىن الۋعا ءوتىنىم قابىلداۋ باستالعالى ءۇش ساعاتتىڭ ىشىندە 4 مىڭنان استام ادام ءوتىنىش بەردى.