ەكس-مينيستر رۋسلان دالەنوۆ جاڭا قىزمەتكە تاعايىندالدى

الماتى. قازاقپارات - رۋسلان دالەنوۆ ەۋرازيا دامۋ بانكىنىڭ باسقارما ءتوراعاسىنىڭ ورىنباسارى قىزمەتىنە تاعايىندالىپ، بانكتىڭ جاڭارتىلعان باسقارما قۇرامىنا ەندى، دەپ حابارلايدى قازاقپارات ۆەدومستۆونىڭ رەسمي سايتىنا سىلتەمە جاساپ.

رۋسلان دالەنوۆ تۇركياداعى مارمارا ۋنيۆەرسيتەتى مەن قازاقستانداعى قارجى اكادەمياسىن ءتامامداعان. ەادب قىزمەتكە تاعايىندالعانعا دەيىن قازاقستان رەسپۋبليكاسىنىڭ ۇلتتىق ەكونوميكا مينيسترلىگىن باسقاردى. قازاقستان رەسپۋبليكاسى قارجى ۆيتسە-ءمينيسترى جانە ۇلتتىق ەكونوميكا ءبىرىنشى ۆيتسە-ءمينيسترى لاۋازىمىندا بولعان. سالىق كوميتەتى، قارجى مينيسترلىگى مەن مەملەكەتتىك كىرىستەر سالاسىندا ءتۇرلى قىزمەتتەر اتقارعان.

2021 -جىلدىڭ اقپانىندا جاڭارتىلعان ەادب باسقارما قۇرامىنا باسقارما ءتوراعاسىنىڭ ورىنباسارلارى سەرگەي ۆاسيليەۆ، لەونيد گراچكوۆ، دەنيس يلين، دانيار يمانعاليەۆ، امانگەلدى يسەنوۆ، ەلەنا كۋبانوۆا، ياروسلاۆ ماندرون، بەرىك مۇحامبەتجانوۆ، تيگران ساركيسيان ەنگەن.

ەۋرازيا دامۋ بانكى (ە ا د ب) - ارمەنيا، بەلارۋس، قازاقستان، قىرعىزستان، رەسەي جانە تاجىكستاننىڭ ينتەگراتسيالانۋىنا جانە دامۋىنا جاردەمدەسەتىن حالىقارالىق قارجى ۇيىمى. ەادب- نىڭ جارعىلىق كاپيتالى - 7 ميلليارد ا ق ش دوللارى. بانكتى 2006 -جىلدىڭ قاڭتارىندا رەسەي مەن قازاقستان بىرلەسىپ قۇرعان، شتاب- پاتەرى الماتى قالاسىندا.

اۆتور: بالنۇر قوجاگەلدى