الماتىداعى شارۋاشىلىقتا ارىستان ۇستاعان ادام جاۋاپقا تارتىلادى
بۇل تۋرالى وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى حابارلادى. ارىستاندى اسىراعان ازامات اكىمشىلىك جاۋاپقا تارتىلادى. ارىستان تۋرالى ەڭ العاشقى حابارلاما تالعار اۋداندىق پوليتسيا باسقارماسىنا كەلىپ تۇسكەن. بەسقاينار اۋىلىنداعى شارۋا قوجالىقتارىنىڭ بىرىندە قاماۋدا جۇرگەن جىرتقىش اڭدى جەرگىلىكتى تۇرعىندار بايقاسا كەرەك. يەسىندە ەشقانداي رۇقسات قۇجاتتارى بولماي شىقتى. قازاقستانعا قاشان جانە قانداي جولمەن جەتكىزىلگەنى دە بەلگىسىز.
ەرنار سايديلدين، وبلىستىق ءى ءى د رەسمي وكىلى:
- قازىرگى تاڭدا ارىستاننىڭ يەسى 28 جاسار الماتى قالاسىنىڭ تۇرعىنى ەكەنى انىقتالدى. دەرەك نەگىزىندە ق ر اكىمشىلىك قۇقىق بۇزۋشىلىق كودەكسىنىڭ 389-بابى بويىنشا اكىمشىلىك حاتتاما تولتىرىلدى. ءىس ماتەريالدارى ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنا جىبەرىلدى.
اكىمشىلىك قۇقىق بۇزۋ كودەكسىنە سايكەس جەكە تۇلعالاردىڭ جابايى اڭداردى ەلىمىزگە كىرگىزۋىنە نەمەسە شەت ەلگە شىعارۋىنا، اسىراۋىنا رۇقسات ەتىلمەيدى. ەگەر زاڭدى بۇزسا ون ايلىق ەسەپتىك كورسەتكىش كولەمىندە ايپپۇل تولەيدى. قازىرگى ۋاقىتتا 3 جاسار ارىستاننىڭ جالپى احۋالى جاقسى. جىرتقىشتى زووباققا ورنالاستىرۋ جۇمىسى اياقتالعانشا ول يەسىندە قالادى.
نۇرقۋات قونىسبايەۆ، وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسيا باسشىسىنىڭ ورىنباسارى:
- الماتى قالاسىنا دەپ باسشىلىق سولاي سۇراپ وتىر. الماتى قالاسىمەن كەلىسىم جۇرگىزىپ جاتىر. قالا اكىمدىگىمەن، زووپارك باسشىلىعىمەن. ال شىمكەنت زووباعىندا ولار دايىنبىز دەپ وتىر قابىلداۋعا.
زوولوگ مامانداردىڭ ايتۋىنشا ارىستان سياقتى جىرتقىش اڭدى ساتىپ الۋعا نەمەسە اسىراۋعا زاڭدى مەكەمەگە عانا رۇقسات ەتىلەدى. جابايى اڭنىڭ قاي ەلدەن الىنعانى، اسىراندى نەمەسە تابيعاتتان ۇستالعانى، قىزىل كىتاپ تىزىمىندە بار- جوقتىعى تۋرالى مالىمەت جازىلعان ۆەتەرينارلىق قۇجاتتارى بولۋى شارت.
مارينا چيريكوۆا، ق ر زوولوگيا ينستيتۋتىنىڭ عالىمى:
- وتكەن جىلى ەلىمىزگە ونشاقتى توتىقۇس، ليمۋر، جولبارىس پەن مايمىلىدار جەتكىزىلدى. ءبىراق بارلىعى حايۋاناتتار باعى مەن جەكەمەنشىك پيتومنيكتەرگە ورنالاستىرىلدى. زاڭعا سايكەس رەسمي رۇقسات قۇجاتتارى بار. ءبىراق جىرتقىش اڭدار وتە سيرەك كەلەتىنىن ايتا كەتەيىك. جەكە تۇلعالاردىڭ اسىراپ، ۇستاۋىنا رۇقسات ەتىلمەيدى. دەسە دە، قازىر جىرتقىش اڭعا قۇمار كاسىپكەرلەردە ءىشىنارا كەزدەسىپ تۇرادى. ەلىمىزدە بۇعان دەيىن دە ارىستاندى زاڭسىز اسىراعان جاعدايدار بولعان. مىسالى، ەكى جىل بۇرىن الماتى قالاسىنىڭ تۇرعىنى «ارىستاننىڭ 1 ايلىق الانىن 10 مىڭ دوللارعا ساتامىن» دەپ الەۋمەتتىك جەلىدە ساۋدالايدى. ال وتكەن جىلى دالادا ەمىن- ەركىن جۇرگەن ارىستان اقتاۋ قالاسى تۇرعىندارىنىڭ زارەسىن ۇشىرعان ەدى. جىرتقىشتىڭ يەسى تابىلىپ، اكىمشىلىك جاۋاپقا تارتىلدى. سول سيمبا ەسىمدى ارىستان الماتى حايۋاناتتار باعىنا جەتكىزىلدى. ەندى الماتى وبلىسىنىڭ بەسقاينار اۋىلىنان انىقتالعان ارىستانعا دا وسى حايۋاناتتار باعىنان ورىن تابىلۋى ىقتيمال. بۇگىن زووباق ماماندارى جىرتقىشتىڭ احۋالىن تەكسەرىپ قايتىپتى.
www.24.kz