ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا كوروناۆيرۋستىڭ قانداي شتامدارى قازاقستاندا انىقتالعانى سۇرالدى.
«قازاقستاندا تارالعان ۆيرۋستىڭ گەنوتيپىن تولىق زەرتتەۋ مۇمكىندىگى بار. پاندەميا باستالعالى 285 شتامم زەرتتەلدى، ولار ناۋرىز ايىنان قاڭتار ايى ارالىعىندا بولىنگەن شتامدار. سىزدەردى «مۋتاتسيالانعان وڭتۇستىكافريكالىق، بريتاندىق جانە جاڭا برازيليالىق شتامدارى ءبولىندى مە» دەگەن سۇراق مازالاپ تۇرعانى بەلگىلى. ماۋسىم مەن قاڭتار ارالىعىندا گەنوتيپتەۋ ناتيجەسىندە قازاقستان اۋماعىندا اتالعان شتامدار انىقتالمادى»، - دەدى ا. ەسماعامبەتوۆا.
ءوز كەزەگىندە ق ر دەنساۋلىق ساقتاۋ ۆيتسە- ءمينيسترى اجار عينيات وڭتۇستىكافريكالىق، بريتاندىق جانە برازيليالىق شتاممداردى ەلگە كىرگىزبەۋ ءۇشىن مەملەكەتتىك شەكارادا ءتيىستى شارالار قابىلدانعانىن ەسكە سالدى.
«سول سەبەپتى ەلىمىزگە ساپارلاپ كەلىپ جاتقان ازاماتتار ءتيىستى تەكسەرۋدەن ءوتىپ جاتىر. بارلىق وڭىرلەردە شتامدار تەكسەرىلىپ وتىر. قازىرگى كەزدە وسى زەرتحانانىڭ جۇمىسى كۇشەيتىلدى»، - دەدى ۆيتسە- مينيستر.