الماتى وبلىستىق ءبىلىم باسقارماسىنىڭ باسشىسى مايگۇل وماروۆا قاماۋعا الىندى

تالدىقورعان. قازاقپارات - الماتى وبلىستىق ءبىلىم باسقارماسىنىڭ باسشىسى مايگۇل وماروۆانىڭ قاماۋدا وتىرعانىن وبلىستىق پروكۋراتۋرا راستادى، دەپ حابارلايدى قازاقپارات ءتىلشىسى.

سوت سانكسياسىنا سايكەس 51 جاستاعى باسقارما باسشىسى سىبايلاسىمەن بىرگە ەكى ايعا قاماۋعا الىنعان. ياعني، مايگۇل وماروۆامەن قاتار بۇل ىسكە قاتىسى بار وڭىرلىك اقپاراتتىق تەحنولوگيالار ورتالىعىنىڭ ديرەكتورى 28 جاستاعى اراپبي مەڭلىبايەۆ ەكى ايعا قامالسا، ءبىلىم باسقارماسىنىڭ باس مامانى، 31 جاستاعى باقىت ابدولدانوۆا ءۇيقاماقتا.

«4 - اقپاندا تالدىقورعان مامانداندىرىلعان تەرگەۋ سوتى كۇدىكتىلەر م. ت. وماروۆا مەن ا. ا. مەڭلىبايەۆقا قاتىستى ەكى ايعا كۇزەتپەن ۇستاۋ تۇرىندەگى بۇلتارتپاۋ شاراسىن سانكسيالادى. كۇدىكتى ب. س. ابدولدانوۆا ءۇيقاماققا الىندى» دەپ حابارلادى الماتى وبلىسىنىڭ پروكۋراتۋرا وكىلدەرى.

تەرگەۋ ماتەريالدارىنا سايكەس، مايگۇل وماروۆا 2020 -جىلدىڭ قازان- قاراشا ايلارىندا جالپى سوماسى 406 ميلليون تەڭگەگە 2522 نوۋتبۋك جەتكىزۋگە جانە پاندەميامەن كۇرەس بويىنشا داعدارىسقا قارسى شارالار شەڭبەرىندە ساتىپ الىنعان نوۋتبۋكتەردى كەدەرگىسىز قابىلداۋعا مەملەكەتتىك ساتىپ الۋ شارتىن جاساعان.

اۆتور: سامال قابىشيەۆا