احمەت بايتۇرسىن ۇلىنىڭ رولىنە ونلاين كاستينگ جاريالانادى

نۇر-سۇلتان. قازاقپارات - احمەت بايتۇرسىن ۇلىنىڭ رولىنە ونلاين كاستينگ جاريالانادى، دەپ حابارلادى «Qazaqstan» ۇلتتىق تەلەارناسىنىڭ باسپا ءسوز حاتشىسى ايدىن دۇيسەنباي قىزى Facebook-تەگى پاراقشاسىندا.

«Qazaqstan ۇلتتىق تەلەارناسى احمەت بايتۇرسىن ۇلى تۋرالى تۇسىرىلەتىن تاريحي تەلەحيكايا اكتەرلەرىنە كاستينگ جاريالايدى. احمەت بايتۇرسىن ۇلىنىڭ 25-35 جانە 45-65 جاس شاماسىنداعى كەزىن سومداۋعا باستى ءرول اكتەرلەرىنە ونلاين ىرىكتەۋ جۇرگىزىلەدى. ۇمىتكەرلەر ءوزى تۋرالى اقپاراتتى (فوتو، ۆيدەو) 2021 -جىلعى 1-ساۋىرگە دەيىن [e-mail] ەلەكتروندى پوشتاسىنا جولداۋى ءتيىس» دەلىنگەن حابارلامادا.

مالىمەتكە ساي، مەملەكەت قايراتكەرى، اعارتۋشى ا. بايتۇرسىن ۇلىنىڭ ءومىرى مەن ۇلتقا سىڭىرگەن ەڭبەگىن باياندايتىن تاريحي تەلەحيكايا بيىل ەفيرگە شىعادى دەپ جوسپارلانعان. ونلاين كاستينگكە قاتىسۋشىلار ءۇشىن قوسىمشا بايلانىس ءنومىرى: 77064085868+.