قازاقستاندىقتار قاشاننان باستاپ جۇرگىزۋشى كۋالىگىنسىز جۇرە الادى
بۇل تۋرالى ق ر ءى ءى م اكىمشىلىك پوليتسيا كوميتەتى ءتوراعاسىنىڭ ورىنباسارى سەرىك ءتۇسىپوۆ ايتتى، دەپ حابارلايدى قازاقپارات ءتىلشىسى.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە جول ءجۇرىسى ماسەلەلەرى بويىنشا وزگەرتۋلەر مەن تولىقتىرۋلارى ەنگىزۋ تۋرالى» زاڭ رەسمي جاريالانعاننان كەيىن 10 كۇنتىزبەلىك كۇن وتكەن سوڭ عانا كۇشىنە ەنەدى. زاڭ 2-اقپان كۇنى «ەگەمەن قازاقستان» مەن «كازاحستانسكايا پراۆدا» گازەتتەرىندە جاريالاندى جانە 13-اقپاننان باستاپ كۇشىنە ەنەدى.
«سونىمەن قاتار قازىرگى ۋاقىتتا مينيسترلىك جول ءجۇرىسى ەرەجەسىنە قازاقستاندا بەرىلگەن قۇجاتتاردى وزىمەن بىرگە جۇرگىزۋشىلەردىڭ الىپ ءجۇرۋ مىندەتىن الىپ تاستاۋ بولىگىندە ءتيىستى وزگەرتۋلەر ەنگىزىپ جاتىر. بۇل رەتتە زاڭ اتالعان جول ءجۇرىسى ەرەجەسىنەن جوعارى تۇراتىندىعىنا نازار اۋدارتقىم كەلەدى دەمەك، پوليتسيا قىزمەتكەرلەرى جول ءجۇرىسى ەرەجەسىنىڭ نورماسىنا بولا قۇجاتتاردى تالاپ ەتپەيدى»، - دەدى سەرىك ءتۇسىپوۆ.
سونىمەن قاتار ول جۇرگىزۋشى كۋالىگىمەن تەحپاسپورت بەرۋ قىزمەتى جالعاسا بەرەتىندىگىن اتاپ ءوتتى.
«جىل سايىن شامامەن 500 مىڭ جۇرگىزۋشى كۋالىگى جانە شامامەن 1,5 ميلليون تەحپاسپورت بەرىلەدى»، - دەدى كوميتەت ءتوراعاسىنىڭ ورىنباسارى.
اۆتور: مارلان جيەمباي