ەرلان سىدىقوۆ ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى بولىپ تاعايىندالدى

نۇر-سۇلتان. قازاقپارات - ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى بولىپ ەرلان سىدىقوۆ تاعايىندالدى، دەپ حابارلايدى قازاقپارات ءتىلشىسى.

ق ر ءبىلىم جانە عىلىم مينيسترلىگىنىڭ حابارلاۋىنشا، «ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى» كوممەرتسيالىق ەمەس اكسيونەرلىك قوعامىنىڭ ديرەكتورلار كەڭەسى باسقارما ءتوراعاسى - رەكتور لاۋازىمىنا ۇمىتكەر رەتىندە كونكۋرسقا قاتىسقان بەس ازامات ازىرلەگەن ۋنيۆەرسيتەتتى دامىتۋ بويىنشا باعدارلامالارىن قاراستىردى.

داۋىس بەرۋ ناتيجەسىندە رەسپۋبليكالىق كوميسسيانىڭ قاراۋىنا ساۋلە كوشكەن قىزى اماندىقوۆا مەن ەرلان باتتاش ۇلى سىدىقوۆتىڭ كانديداتۋرالارى ۇسىنىلدى. پرەمەر-ءمينيستردىڭ ورىنباسارى ەرالى توعجانوۆ ءتوراعالىق ەتكەن رەسپۋبليكالىق كوميسسيا ديرەكتورلار كەڭەسى ۇسىنعان ۇمىتكەرلەرمەن اڭگىمەلەسۋ وتكىزىپ، «ل. ن. گۋميلەۆ اتىنداعى ە ۇ ۋ» كوممەرتسيالىق ەمەس اكسيونەرلىك قوعامىنىڭ باسقارما ءتوراعاسى - رەكتورى لاۋازىمىنا ەرلان باتتاش ۇلى سىدىقوۆتى تاڭدادى.

ايتا كەتەيىك، ج و و ديرەكتورلار كەڭەسىنىڭ قۇرامىنا تاۋەلسىز ديرەكتور رەتىندە مۇرات ابەنوۆ، قانات نۇروۆ، ءاليحان بايمەنوۆ، دانيار اشىمبايەۆ، الەكساندر ۆان دە پۋتت جانە باسقا دا ازاماتتار كىرەدى. سىدىقوۆ ەرلان باتتاش ۇلى 1956 -جىلعى 29-اقپاندا سەمەي قالاسىندا دۇنيەگە كەلگەن. 1978 -جىلى «تاريح» ماماندىعى بويىنشا س. م. كيروۆ اتىنداعى قازاق مەملەكەتتىك ۋنيۆەرسيتەتىن، 1984 -جىلى س. م. كيروۆ اتىنداعى قازاق مەملەكەتتىك ۋنيۆەرسيتەتىنىڭ اسپيرانتۋراسىن ءتامامدادى.

1996-1999 ج ج. - ق ر ۇ ع ا تاريح جانە ەتنولوگيا ينستيتۋتى. 2002-2004 - قازاق گۋمانيتارلىق زاڭ ۋنيۆەرسيتەتى، ماماندىعى - «يۋريسپرۋدەنتسيا». جامبىل تەحنولوگيالىق ەت جانە سۋت ونەركاسىبى ينستيتۋتىنىڭ سەمەي قالالىق فيليالىنىڭ ستاجەر- زەرتتەۋشىسى، ك و ك پ تاريحى جانە ساياسي ەكونوميا كافەدراسىنىڭ دوتسەنتى، ساياسي تاريح كافەدراسىنىڭ مەڭگەرۋشىسى، جامبىل تەحنولوگيالىق ەت جانە ءسۇت ونەركاسىبى ينستيتۋتىنىڭ سەمەي قالالىق فيليالىنىڭ كوممەرتسيالىق جانە وقۋ- تاربيە جۇمىسى بويىنشا پرورەكتورى، قازاقستان رەسپۋبليكاسى ۇكىمەتى اپپاراتىنىڭ مەملەكەتتىك قىزمەت جانە كادر جۇمىسى ءبولىمىنىڭ كەڭەسشىسى، سەمەي پەداگوگيكالىق ينستيتۋتىنىڭ رەكتورى، شاكارىم اتىنداعى سەمەي مەملەكەتتىك ۋنيۆەرسيتەتىنىڭ رەكتورى بولىپ جۇمىس ىستەدى.

2011 -جىلدان باستاپ ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى. تاريحي عىلىمداردىڭ دوكتورى، پروفەسسور.

ق ر ۇلتتىق عىلىم اكادەمياسىنىڭ اكادەميك- مۇشەسى، ۆيتسە-پرەزيدەنتى (2014). «قازاقستاننىڭ ەڭبەك سىڭىرگەن قايراتكەرى» (2005). شىعىس قازاقستان وبلىسىنىڭ قۇرمەتتى ازاماتى (2009)، شىعىس قازاقستان وبلىسى اباي اۋدانىنىڭ قۇرمەتتى ازاماتى (2011).

اۆتور: زارينا قاھارمان